喜來稀肉 (登龍街)

營業中

休息中

心思思想食韓燒， 就去咗久違了嘅登龍街食 喜來稀肉。 入到呢係傳統嘅韓式燒肉店環境（無得旅行唯有當係去左韓國） ， 鐵盤旁邊有蛋漿有蒜頭 ， 裝嘢食嘅兜同埋筷子都係鐵造 ， 亦都有韓式前菜。 呢度啲泡菜幾好食，我地都refill左2次，係有d辣， 不過我地就好中意。燒肉方面我哋點咗喜來五花豬肉， 喜來牛肉， 同埋牛頸脊。 碟喜來豬同牛肉都係 醃過自家制醬汁， 燒完之後啲肉汁出曬嚟， 唔洗點醬汁已經好好食同夠味， 連埋生菜一齊食就唔會覺得好快食滯。 醃牛頸脊就冇用自家製醬汁所以就點返啲醬料再配上生菜，一樣咁好食。 最後叫咗個人蔘雞湯配咗碗白飯打底。 人蔘雞雞味真係好濃隻雞亦都好鮮味， 唯一係唔覺有人蔘係入面。 總括嚟講呢個價錢有呢個食物質素已經好收貨。臨走嘅時候仲可以拎返條雪條走邊食邊行。