火鍋撚 (雲明行) (已結業)

揾到間幾正幾好食既火鍋介紹比大家，就是火鍋撚！某幾般時間埋單還有折頭，更加抵食。餐廳環境設計帶故宮感覺， 還有兵馬俑既擺設，幾有 feel.不得不提就係媽媽滋潤老火湯鍋湯底， 真係十足十屋企煲既湯一樣！非常有家既感覺，好甜好濃郁！份外有種滋潤甜在心既感覺。 粟米既清甜，豬展瘦肉，雞既肉香， 還有猴頭菇，紅蘿蔔，蜜棗等等！非常足料。另外細心一提，所有火鍋配料都可以選擇半份或一份！變相可以叫多d. 唔種類既食材。非常加分！珊瑚蚌拼桂花蚌， 有溫馨提示只要輕灼十秒就食得， 非常鮮味而且爽脆口感，好吸引！極品安格斯肥牛，色澤紅潤，紋理豐富，口入真係有種就快溶開既感覺！好綿身又夠滑，而且牛香非常突出，好耐無食過咁正既牛肉， 鍾意食牛肉既必叫。流心鹹蛋黃豬肉丸，質感好有彈性，輕輕咬開就有爆醬感覺，內層既鹹蛋黃味滲出，好過引！唔會太咸，幾好食。小食叫左椒鹽九肚魚， 炸得非常香脆， 外脆內軟， 入口鬆化，又唔會太過油膩。埋單時候還有腐竹雞蛋糖水， 用上古時嘅器皿盛住！幾特色又搶眼， 最重要係非常好食，中和哂打完邊爐飽飽濟濟既感覺。 味道清香，帶腐竹薏米既味道沙冰，一試難忘。