帝樂德國餐廳 (Fashion Walk) (已結業)

呢間喺銅鑼灣嘅德國餐廳已經開咗好多年。餐廳地方寬敞明亮，木系裝潢為主，充滿德國風情。試咗佢哋嘅春日人套餐，鍾意飲酒嘅仲可以選擇free flow兩小時無限添飲紅酒、白酒或盧雲堡啤酒。亦可以選擇加錢飲其他飲品。迷你黑森林火腿德式薄餅，薄餅足料熱辣辣，餅底邊微焦，外脆內鬆軟👍🏼。挪威煙三文魚沙律配柑桔，西柚，橙，藜麥，超FRESH。招牌烤脆皮豬手鹹香肉嫩，外皮脆卜卜，伴酸椰菜同薯角。帆立貝，鮮蝦，車打芝士蝸牛通心粉啖啖芝士，十分香濃。甜品係特濃朱古力蛋糕配燴雜莓，濃濃嘅朱古力配酸甜雜莓醬，果醬嘅酸味同朱古力蛋糕嘅甜相平衡。