影片
更多
2025-05-28
0 瀏覽
平時好少食德國菜，今日老公突然話想食德國豬手，於是係OpenRice度搵到「帝樂德國餐廳」，佢地有個Semi Buffet Brunch好吸引！自選主菜連一杯即磨咖啡或茶，仲包埋自助沙律Bar、熱盤同甜品無限任食，性價比真係高到飛起！店員仲同我地講最近新出左兩款泰式船麵，有豬肉同牛肉，睇落好正，下次黎一定試下，順便提埋，佢地有季節限定啤酒買一送一，飲酒fans記得捉緊機會啦🍻！ .主菜揀左脆皮燒豬肘配酸椰菜及炸薯角 $488，已經係二人份量，原隻豬手大到誇張！皮炸到脆卜卜，店員好貼心幫手切成一塊塊，肉質嫩滑帶少少煙熏味，吾會太鹹，配埋芥末醬同酸椰菜好解膩，旁邊既炸薯角都香脆可口，滿足到爆😋！ .自助沙律Bar同冷盤都幾豐富，沙律菜有火箭菜、生菜、雜果沙律，仲有Parma Ham，蕃茄芝士沙律，可以配埋牛油果醬同沙律醬，健康又開胃。冷盤有凍蝦同青口，新鮮度岩岩好，清甜得黎吾會腥，食到停吾到！ .熱盤更加驚喜，竟然有Pizza！薄批底香脆，用料足，邊食邊讚。另外仲有經典德國香腸、蕃茄魚塊、燒雞翼、炒雜菜同雞肉串燒，仲有德國麵包。我最中意Pizza同雞肉串燒，串燒外脆內軟，鹹香味濃，熱
平時好少食德國菜，今日老公突然話想食德國豬手，於是係OpenRice度搵到「帝樂德國餐廳」，佢地有個Semi Buffet Brunch好吸引！自選主菜連一杯即磨咖啡或茶，仲包埋自助沙律Bar、熱盤同甜品無限任食，性價比真係高到飛起！店員仲同我地講最近新出左兩款泰式船麵，有豬肉同牛肉，睇落好正，下次黎一定試下，順便提埋，佢地有季節限定啤酒買一送一，飲酒fans記得捉緊機會啦🍻！
.
主菜揀左脆皮燒豬肘配酸椰菜及炸薯角 $488，已經係二人份量，原隻豬手大到誇張！皮炸到脆卜卜，店員好貼心幫手切成一塊塊，肉質嫩滑帶少少煙熏味，吾會太鹹，配埋芥末醬同酸椰菜好解膩，旁邊既炸薯角都香脆可口，滿足到爆😋！
.
自助沙律Bar同冷盤都幾豐富，沙律菜有火箭菜、生菜、雜果沙律，仲有Parma Ham，蕃茄芝士沙律，可以配埋牛油果醬同沙律醬，健康又開胃。冷盤有凍蝦同青口，新鮮度岩岩好，清甜得黎吾會腥，食到停吾到！
.
熱盤更加驚喜，竟然有Pizza！薄批底香脆，用料足，邊食邊讚。另外仲有經典德國香腸、蕃茄魚塊、燒雞翼、炒雜菜同雞肉串燒，仲有德國麵包。我最中意Pizza同雞肉串燒，串燒外脆內軟，鹹香味濃，熱氣直衝，超正🔥！
.
甜品都好有驚喜，雜果撻、芒果慕絲蛋糕、青檸啫喱同千層酥樣樣有。我推介雜果撻，新鮮水果加香脆撻皮，吾多cream好清爽。千層酥都好鬆化，甜度岩岩好，完美ending🍰！
.
飲品方面，我同老公分別叫左一杯Latte同Mocha。Latte奶味重，口感順滑，咖啡同奶既比例岩岩好，飲落吾會太苦，帶少少甜，暖笠笠好舒服☕。Mocha就多左朱古力味，甜度高少少，朱古力同咖啡混埋一齊，味道好豐富，飲完有種好滿足既感覺，重點一提，只需加$10就可以Upgrade啦，超值得！
張貼
