Mercury Recalls by Lost Stars

營業中

休息中

餐廳位於銅鑼灣鬧市百德新街，有得食飯、飲酒及聽歌，感覺好適合同朋友放工想輕鬆下，消除一日的疲勞。店內有專人播放黑膠唱碟，整體氣氛感覺復古又時尚。餐廳做緊限時優惠，只要每位客人都有惠顧一份主菜，都可以無限量添食薯條！薯條仲有3個口味，分別係黑松露薯條、海鹽薯條及金沙薯條。酸奶油烤美國豬柳擺盤相當有心思，似一個藝術品上菜。豬柳肉質好嫩滑，肉汁被鎖住，咬得好juicy，上面舖了一層開心果仁碎，脆脆地增加不少口感，配搭既醬汁有果香味，同時有薯蓉同埋蕃茄做伴碟。手工芝士烤雞卷雞卷外觀做得好精緻且，最外層煎得香口，顏色呈金黃色。入面包住了乳酪塊及雞油，做法相當心機，而且包得好札實，唔容易散開，有黃瓜、青瓜和胡蘿蔔做伴碟，熟度適中。Don't Know Why by Norah Jones一杯熱既cocktails相當特別，在一個精美的英式茶具中，混合左接骨木花、佛手柑甜酒、伯爵茶和糖漿等，聞落帶有淡淡既伯爵茶的味道，飲落意外有濃厚甜酒的甘醇，反差極大，玩味十足。Made of Gold法式伯爵茶香朱古力，以伯爵茶配搭朱古力，味道濃郁香甜之餘唔會太「死甜」，有附兩塊經炙燒過既綿花糖，外脆內軟。