影片
更多
2022-08-24
77 瀏覽
位於皇后大道西嘅Honjo，係pirata旗下嘅餐廳之一。Pici、Pirata、Pizza Project等等都係CP值好高嘅餐廳，今次都係抱住相當高嘅期望嚟試下佢嘅日本菜！餐廳裝修華麗，門口係好搶眼嘅紅色外牆，配上趟門，有一種優雅得嚟又帶啲復古嘅感覺。入到去會有manager帶領入座，而佢哋都好熱情好有禮貌，為呢餐dinner帶嚟咗一個好好嘅impression。雖然係食日本fusion菜，但鋪內裝修都係以復古同浪漫氣色為主，擺設亦見心思，餐廳好多個角落都可作為打卡位，係好grand嘅一個setting。今次食嘅係佢嘅tasting menu，鍾意飲酒嘅朋友可以加多少少錢要佢嘅wine and sake pairing。Edamame + Crispy Tofu + Wagyu Tataki淨係頭盤都已經好豐富！首先出場嘅係枝豆，佢喺面頭灑咗海鹽，食落唔會太單調，啱哂用嚟送酒！炸豆腐係比較有心思吧菜式，豆腐底有sliced pepper，配以醋同埋wasabi為醬汁，食嘅時候將啲椒絲放番上豆腐面，好refreshing！至於和牛刺身，除咗肉質新鮮，佢嘅酸甜醬汁都好outstandi
餐廳裝修華麗，門口係好搶眼嘅紅色外牆，配上趟門，有一種優雅得嚟又帶啲復古嘅感覺。入到去會有manager帶領入座，而佢哋都好熱情好有禮貌，為呢餐dinner帶嚟咗一個好好嘅impression。
雖然係食日本fusion菜，但鋪內裝修都係以復古同浪漫氣色為主，擺設亦見心思，餐廳好多個角落都可作為打卡位，係好grand嘅一個setting。
今次食嘅係佢嘅tasting menu，鍾意飲酒嘅朋友可以加多少少錢要佢嘅wine and sake pairing。
Edamame + Crispy Tofu + Wagyu Tataki
淨係頭盤都已經好豐富！首先出場嘅係枝豆，佢喺面頭灑咗海鹽，食落唔會太單調，啱哂用嚟送酒！炸豆腐係比較有心思吧菜式，豆腐底有sliced pepper，配以醋同埋wasabi為醬汁，食嘅時候將啲椒絲放番上豆腐面，好refreshing！至於和牛刺身，除咗肉質新鮮，佢嘅酸甜醬汁都好outstanding，加埋面頭一啲米通碎咁嘅toppings，好有咬口！三樣appetizer都好高質、好開胃！
Co-Matchy x Appleland
好高質嘅兩杯Mocktail！果香味好突出，用嚟送appetizer一流！佢個樣都好靚仔添，打卡係perfect之選！
Sushi Roll
分別係炸蝦卷同牛油果吞拿魚卷，全部都係one bite size，好易夾，唔會飛哂啲餸出嚟。食完前菜加埋佢其實已經好飽🤣
Corn Tempura + Soft Shell Crab Tempura
係好有心思嘅兩道炸物。天婦羅粟米炸得十分酥油，粒粒粟米分明，而且好大嚿，亦都唔會好油，個人認為有少少蜜糖會更好！炸軟殼蟹就fair，下面有啲類似蛋黃醬嘅cream sauce作調味，係可以中和蟹膏嘅甘味嘅。
Hamachi Kama
第一次食原個燒魚頭🤣係有驚喜嘅，燒成外脆又保持到魚肉嘅嫩滑，魚肉勁厚實，呢一道菜一定可以滿足到鍾意食魚嘅大家😗
Wagyu Kamameshi
講咗咁多樣嘢食，終於到main course！Main course我哋揀咗和牛釡飯，和牛碎粒鋪滿咗飯面，加埋蔥花同蛋黃，再配埋已經加咗入cream sauce嘅飯，一撈埋嘅時候已經聞到好香，夾起仲有啲好似拉絲咁嘅效果，係好食嘅！不過少漏🤣
Matcha Lava + Fruit Sorbet
最後上嘅係抹茶心太軟同雜果雪芭。抹茶心太軟嘅外層焗到好似蛋糕咁脆，一切開就係流心抹茶漿，入口即溶。抹茶漿食唔哂仲可以用旁邊嘅蕎麥脆餅點嚟食，更昇華！至於Sorbet就係exactly另一個口感，凍冰冰嘅絲棉雪芭加埋旁邊嘅雜果粒，好refreshing，剛好同Matcha Lava形成咗一個冰火交融嘅感覺🤣
總括嚟講係好高質嘅一餐，會encore!
張貼
