OX Steak Lounge

營業中

休息中

難得入嚟大埔，見到呢間餐廳環境幾靚，就入咗去試下。首先上枱嘅係牛舌沙律。平時食燒肉就成日食牛舌，配沙律都係第一次試。可能因為係慢煮，牛舌唔太韌而且牛味好農，最深色個塊比較乾身。一人份量嚟講算唔少。跟住就係個湯同餐包。餐包就正正常常，但個牛油就比一般牛油香，有少少蒜味。個餐湯好足料，每一啖都食到蘑菇粒，口感幾好。呢個千層麵比平時見開嘅唔同，食落好香牛味，d麵係手工麵，好彈牙。係份量比較少。本身係想試下個1++韓牛，但今日太多人食，賣曬。侍應話呢個威靈頓係佢哋餐廳嘅招牌，咁就試下佢。雖然份量係比較細，但食落好重黑松露同鵝肝味，而且個牛嘅生熟程度比較平均。薯條正常，黑松露醬幾香。叫咗個特式嘢飲，甜甜哋得嚟又有少少酒味，打卡一流。甜品出色，個心太軟唔太甜得嚟又脆脆哋。整體嚟講，份量比較細，但味道幾好，餐包同薯條任食，唔怕唔飽。