影片
更多
2017-08-29
166 瀏覽
觀塘真係今時唔同往日, 今日朋友帶我去食私房菜, 是位於在一個豪不起眼, 一個舊式工廠大廈內的, 不過食過這私房菜的出品, 你會驚嘆, 原來工廠大廈內竟是卧虎藏龍之地! 我們入到私房菜館見到裝修不算豪華, 始終它是位於舊式工廈內, 但整潔干淨. 我們入座落了order後不久, 首先上來的是一道花甲豆腐湯, 白色的湯裡面飄浮著唔少已孖大口的花甲, 有雪白的豆腐, 有綠油油的中國芹菜及芫茜及散發著淡淡的海鮮味, 飲一啖, 哇, 新鮮滾熱辣, 好鮮甜, 仲有胡椒香味, 非常香, 就算是炎炎夏季, 飲呢個熱辣辣的海鮮湯, 一D都唔會覺得熱, 仲帶起了人的食欲, 開了胃口, 非常唔錯! 之後, 涼菜上枱, 賣相相當吸引, 因為涼拌菜的中間摆放了看上去很新鮮的沙律菜, 涼拌菜是有三款放在一長型的碟上, 分別有手撕雞, 卥水豬腸及卥水牛肚, 唔好小看卥水菜, 一道睇似簡單的卥水菜, 好唔好食主要是看它的卥料, 這豬腸及牛肚卥出來的顏色是一樣的, 相信是用同一卥水汁, 先食了一塊牛肚, 味道不咸不淡, 卥味香而不澴, 牛肚有牛香, 非常好食. 而豬腸, 夾一塊看到豬腸中間都有白色透明的豬腸油, 千萬不
我們入到私房菜館見到裝修不算豪華, 始終它是位於舊式工廈內, 但整潔干淨. 我們入座落了order後不久, 首先上來的是一道花甲豆腐湯, 白色的湯裡面飄浮著唔少已孖大口的花甲, 有雪白的豆腐, 有綠油油的中國芹菜及芫茜及散發著淡淡的海鮮味, 飲一啖, 哇, 新鮮滾熱辣, 好鮮甜, 仲有胡椒香味, 非常香, 就算是炎炎夏季, 飲呢個熱辣辣的海鮮湯, 一D都唔會覺得熱, 仲帶起了人的食欲, 開了胃口, 非常唔錯!
之後, 涼菜上枱, 賣相相當吸引, 因為涼拌菜的中間摆放了看上去很新鮮的沙律菜, 涼拌菜是有三款放在一長型的碟上, 分別有手撕雞, 卥水豬腸及卥水牛肚, 唔好小看卥水菜, 一道睇似簡單的卥水菜, 好唔好食主要是看它的卥料, 這豬腸及牛肚卥出來的顏色是一樣的, 相信是用同一卥水汁, 先食了一塊牛肚, 味道不咸不淡, 卥味香而不澴, 牛肚有牛香, 非常好食. 而豬腸, 夾一塊看到豬腸中間都有白色透明的豬腸油, 千萬不要剔除這豬腸油, 它是豬腸的精華, 食落口, 哇, 豬油的香味在口中徘徊, 豬腸特有的香味經卥水精制後, 好食到無得頂, 好耐無食過咁香咁好食的卥水豬腸了, 而且它處理得非常干淨, 一D豬腸的騷味都無, 正! 而手撕雞就香辣爽口, 青瓜絲的爽脆, 雞絲的嫩滑加上醬汁的香辣, 涼涼地, 辣辣地, 相當開胃!
跟住落來這道菜式, 是我食過的最好味的芝士龍蝦脆面, 記得, 是脆面, 而且一D都唔夸張, 是超好味! 龍蝦開了邊, 已炸到脆卜卜, 面頭淋了少少粉紅色的芝士汁, 顏色與平時我們食開的那種芝士汁有小小不同(平時食開的芝士龍蝦伊面是黃黃地色的芝士汁, 這間是略帶粉紅色的芝士汁), D龍蝦肉鮮甜爽口, D汁帶有香濃的芝士味, 食到尾仲有來自龍蝦鮮甜味, 應該是用龍蝦汁加芝士調吁而成, D汁超好味, 而最值得贊的, 不是這芝士汁, 雖然芝士汁我已覺得是好好味, 但食過的面才會發覺, D面才是精髓, 一大餅炸過的面炸得很鬆化, D面脆而不油膩, 脆面上淋了芝士汁, 夾一扎脆面再加上D芝士汁, 從未試過食咁好味道的面條, 多重口感在口腔中, 牙齒咬到是脆卜卜的, 味蕾充滿龍蝦的鮮甜, 芝士的香滑, 咸咸地又香又脆的幼面, 哇, 說不出的好味! 真的突顯了私房菜大廚的真功夫!
之後食的菜式, 不用講都是超水準的, 招牌菜士多單梨骨不愧是招牌菜, 比香港人熱愛的生炒骨都要好食, 又香又脆, 酸酸甜甜, 每條豬骨都均勻的沾上紅色的士多啤梨汁, 再伴上新鮮的士多啤梨上枱, 又好睇又好食, Good good!
食完非常滿足的一餐飯, 由衷的多謝我朋友帶我來食這工廈內的私房菜, 認識了這間抵食又好食的超水準中菜.
張貼
