影片
更多
2023-06-15
35 瀏覽
Sunday 11th Jun 2023 陰 微雨近排多咗入元朗，撇除其他因素 + 唔使繁忙時間迫返／放工，呢度都幾好。除咗最旺嗰一兩條大街之外，其他地方都好開陽，好容易就見到個天空，街道比較闊落。講返食先。一向都對螺獅粉冇乜認識 + 有少少偏見，所以一向都唔係我嘅首選。友人推薦即管試吓。門面精緻一啲都唔娘。quote of the day 鋪仔細細，一到繁忙時間爆到七彩。越夜越精彩。忍唔住先講呢度嘅名物。「炸蛋」必必必食。外脆內軟蛋味香，掛住絲絲炸到金黃嘅蛋花，要來放湯 真係一絕。如果係外賣，擺返落去氣炸鍋10分鐘，一樣咁好味。牛腱好入味，口感健全 唔會散修修咁。個螺獅粉湯底，係有佢獨特嘅味道，值得試吓。唔喜歡嘅最多第時唔食，但係好似呢度咁，味道啱我，咁就幫我打開美食嘅另一片天空。唔好睇小每日傳到濕濕碎碎咁，咁樣先至可以 maximize 燒物同醃料、炭火嘅接觸面。大廚咁樣串法真係懷疑人生，要細細咀嚼先至唔會嘥咗佢嘅心機。大包圍5色腸。老闆好犀利，唔知喺邊度搵到啲咁嘅嘢。好飲，味清但係一飲就知係二鍋頭。
近排多咗入元朗，撇除其他因素 + 唔使繁忙時間迫返／放工，呢度都幾好。除咗最旺嗰一兩條大街之外，其他地方都好開陽，好容易就見到個天空，街道比較闊落。
講返食先。一向都對螺獅粉冇乜認識 + 有少少偏見，所以一向都唔係我嘅首選。友人推薦即管試吓。
門面精緻一啲都唔娘。
quote of the day
鋪仔細細，一到繁忙時間爆到七彩。越夜越精彩。
忍唔住先講呢度嘅名物。「炸蛋」必必必食。外脆內軟蛋味香，掛住絲絲炸到金黃嘅蛋花，要來放湯 真係一絕。如果係外賣，擺返落去氣炸鍋10分鐘，一樣咁好味。
牛腱好入味，口感健全 唔會散修修咁。個螺獅粉湯底，係有佢獨特嘅味道，值得試吓。唔喜歡嘅最多第時唔食，但係好似呢度咁，味道啱我，咁就幫我打開美食嘅另一片天空。
唔好睇小每日傳到濕濕碎碎咁，咁樣先至可以 maximize 燒物同醃料、炭火嘅接觸面。大廚咁樣串法真係懷疑人生，要細細咀嚼先至唔會嘥咗佢嘅心機。
大包圍5色腸。
老闆好犀利，唔知喺邊度搵到啲咁嘅嘢。好飲，味清但係一飲就知係二鍋頭。
張貼
