潮江春 (銅鑼灣廣場二期)

營業中

休息中

今日一行三人去飲早茶，入到酒樓侍應已經唔算少，但招左十分鐘手先有人開茶，每個侍應都扮睇唔到。開完茶梗係劃點心啦，有個所謂副經理收左張點心紙，我地11:10落單，等左半個鐘都未有野食，結果到11:45摧單既時候先話冇落單，但係早茶優惠係要12點前埋單。我地追問果位所謂副經理既時候，佢竟然同我地講左句「冇落單咪冇落單囉！」態度極為惡劣，做錯事唔單止唔道歉，仲要搵下屬黎陪罪，唔敢承認錯誤，面對顧客，企圖送碗紫米露了事，身為經理簡直不負責任。我明白忙中有錯等屬閒事，但身為負責人竟然連基本待客既禮貌都唔識，仲要呼喝客人，呢種係待客之道咩？見過鬼真係怕黑，我以後都唔會再去食，廢事食到一肚火。