王家沙．花樣年華 (太古城中心)

營業中

休息中

餐廳冷氣太凍，食物好快變凍。高力豆沙嘅餡係酸嘅，我走嘅時候同個職員講，佢只係講咗聲唔好意思。我用咗$100 voucher,手寫扣一百蚊，但碌卡無扣到，唔明白點解會咁大意。好失望！今晚點咗蟹粉生煎包、小籠包、嫩雞煨麵、紅燒牛肉湯麵、蕃茄炒青菜、四個羹、三絲粉皮、拼盤、話梅排骨，全部都普普通通。個甜品係我哋食完飯之後15分鐘都仲未上，到我哋買單嘅時候，職員亦都冇問我哋甜品上咗未，之後我話甜品冇嚟過，佢就話要我哋嗌佢上（但之前冇人提過我哋要咁樣做，我以為佢落留咗單。）總括而言，食物一般，服務仲有好大嘅進步空間，好失望嘅一餐晚飯。