更多
2019-07-26
26 瀏覽
荃灣呢個位一向都好多中式小炒,今日一家人嚟到食,好彩有book位,好快入咗。餐廳環境唔算大,但係坐得幾舒服。我哋叫咗香辣魚仔炒花甲王,花甲叫咗小辣,炒得好有火候,而且味道啱啱好,花甲鮮甜。椒鹽九肚魚啱啱炸起,熱辣辣外脆內軟,而且九肚魚都幾大條,一碟都唔少,加埋避風塘煮法,好好食,鐵板跳跳豆腐,豆腐夠滑,夠香,而且配埋個醬汁,喺鐵板度保持溫度,認真唔錯。黑松露蒸水蛋,蛋夠滑,而且面上有好多黑松露,好香,配埋去好似中西合璧咁,另一個風味。
張貼