影片
更多
2018-04-19
894 瀏覽
人愈大，愈珍惜同友人相處既時光。記得10年前，喺中學認識左一位男性同學，佢好調皮又鍾意玩弄朋友，但佢既熱情性格正好融化左較為冷酷既我，後來我地成為好朋友。十年又過去，如今佢有女朋友亦有自己既事業，所以佢好忙而我地亦都好少見面。適逢呢位好友25歲生日，我就訂左呢間環境寬敝，仲望到270度維港景色既餐廳，同呢位友人相聚一下，懷緬往日時光。海港城OTE新區域最近幾個月都開左唔少新餐廳，意/法/日/中菜等應有盡有。近年愈來愈多摩登中菜館喺香港開業，個人認為係一件好事，至少消費者可以有更多選擇。喺2樓一直行到尾然後乘搭電梯落去地下，就能夠直達六公館，一望就望到呢個漂亮既招牌，六公館有戶外同室內既範圍，戶外一大片草地上可以比客人飲下酒chill 下輕鬆一下，而室內扶手電梯既兩邊分別係用膳為主同酒吧為主既區域。店內裝潢以60年代既舊香港為藍本，設計師梁志天先生利用唔同既線條、圖案、色塊以及不同質感既物料打造出優雅時尚同古色古香既氛圍。餐廳用膳既區域尚算寬敝舒適。開始點菜前，店員問我地想要蒸餾水定茶，我地當然叫左茶啦，而茶既選擇分別有龍井，鐵觀音，菊花同香片等，我就揀左菊花，飲落都幾清香。龍井熏太爺雞
海港城OTE新區域最近幾個月都開左唔少新餐廳，意/法/日/中菜等應有盡有。近年愈來愈多摩登中菜館喺香港開業，個人認為係一件好事，至少消費者可以有更多選擇。喺2樓一直行到尾然後乘搭電梯落去地下，就能夠直達六公館，一望就望到呢個漂亮既招牌，六公館有戶外同室內既範圍，戶外一大片草地上可以比客人飲下酒chill 下輕鬆一下，而室內扶手電梯既兩邊分別係用膳為主同酒吧為主既區域。
店內裝潢以60年代既舊香港為藍本，設計師梁志天先生利用唔同既線條、圖案、色塊以及不同質感既物料打造出優雅時尚同古色古香既氛圍。餐廳用膳既區域尚算寬敝舒適。
開始點菜前，店員問我地想要蒸餾水定茶，我地當然叫左茶啦，而茶既選擇分別有龍井，鐵觀音，菊花同香片等，我就揀左菊花，飲落都幾清香。
龍井熏太爺雞(半隻)
$198
44 瀏覽
0 讚好
0 留言
龍井熏太爺雞 ($198/半隻)
六公館主打新舊融合既中菜，其實同友情一樣，最好都係新舊能夠融合，可以同新相識開心咁談天說地亦可以同舊朋友相聚回望當年。餐廳有鮑參翅肚，海鮮，肉類，菜類，湯類同甜品等選擇，我同友人都係食肉獸所以都叫左唔少肉類一齊分享。
龍井熏太爺雞係店內招牌菜之一，餐廳挑選生黃雞，用鹵水汁浸泡1.5小時，風乾後加上龍井茶葉，再用蘋果木將雞煙熏，上枱時再灑上龍井茶葉。
龍井熏太爺雞(半隻)
$198
33 瀏覽
0 讚好
0 留言
龍井熏太爺雞，味道不會太鹹亦不油膩。雞食落都頗為嫩滑，龍井味道滲透左入隻雞裡面，食落帶著茶葉芬香味道。
蜜汁黑豚叉燒
$268
34 瀏覽
0 讚好
0 留言
蜜汁黑豚叉燒 ($268)
近年摩登中菜館既叉燒都至少用上黑豚/西班牙黑毛豬等，而呢間既蜜汁黑豚叉燒，食落鬆化，質感軟腍。肥膏帶脂香，邊位亦帶焦香。
香煎中式澳洲和牛柳
$268
28 瀏覽
0 讚好
0 留言
中式煎澳洲和牛柳 ($268)
我同友人都係食肉獸，所以就叫埋呢碟中式煎澳洲和牛柳。顧名思議，就係用上澳洲和牛以中式煎牛柳既方式烹調而成。雖然驚喜不大，但至少澳洲和牛柳食落鬆軟而不失質感。澳洲和牛分M1-M12級別，而愈高級別代表油脂分怖愈多，而呢度既澳洲和牛油脂較少但反而係好事，肉味更濃郁。醬汁酸酸甜甜，幾開胃。
鴛鴦蝦球
$288
24 瀏覽
0 讚好
0 留言
鴛鴦蝦球 ($288)
鴛鴦蝦球係店內招牌之一，差不多每台都會叫。蝦係用上緬甸蝦，鴛鴦蝦就係指蝦分別以芒果醬以及近期大熱既鹹蛋黃烹煮，蝦球大大粒，食落爽口彈牙。芒果醬帶點酸，而鹹蛋黃蝦球外層薄脆而味道甘香。兩個人食完呢4碟菜式已經覺得飽，可能因為人愈大而新陳代謝減慢，始終唔能夠食太多。最後我地因為飽而無叫任何甜品，大概朋友亦都唔需要叫甜品，因為佢有左女朋友之後，人生已經很甜蜜。
晚飯後同友人踏上餐廳戶外一大片草地，可以望到270度維港夜景，叫人忘卻煩憂。朋友話滿意我今晚選擇既餐廳，我心裡亦放下心頭大石。同友人食完呢餐飯，雖然不知道我地何時何日會再見，但回想過去大家中學既歡樂事，就算講十次，一百次大家都仍然笑得出，哈哈，年少多好。"生活尚不易，且行且珍惜" ，我仍然會好珍惜同呢位友人咁多年相處既時光，亦希望友人既前途可以同對岸既燈光一樣咁璀燦。
張貼
