雪下覓炙

營業中

休息中

首先要講吓訂枱安排，本來係OpenRice 訂咗6:30pm 5位，但4點左右無端端被餐廳cancel 咗。一家五口唯有早啲去餐廳睇吓有冇位。5:45pm 去到，同門口嘅職員講返個情況，又話冇cancel。我俾個電話佢睇cancel record，佢都唔知點解會咁。是但啦，早啲食我哋都可以。入到去，我哋5個人佢竟然俾張4人卡位我，而當時餐廳仲有大把枱。我哋係有小朋友，但最細都10歲，點坐？問可唔可以坐6人卡位，職員回答：「吓，6人枱喎來㗎喎？唉～(大聲+晦氣) 咁你鍾意咪俾你坐囉～」其實有啲㷫，不過怕其他地方冇位，算啦。叫咗二人套餐、兩份牛肉拼盤、石鍋飯、辣炒年糕以及一份炸雞。食物質素就一般啦，擺盤打卡就好合適嘅，小弟影相好差但睇落都唔錯嘅。前菜之中，泡菜、芽菜、蘿蔔可以refill，唔錯嘅。5人埋單$2,700，希望唔會浪費咗佢張咁珍貴嘅6人枱啦⋯⋯不過，埋單我都等咗10分鐘，催咗兩次⋯⋯我呢啲奄尖細客，就唔敢再去喇，冇謂阻人哋名店招乎大豪客。