越萊 (廟街)

營業中

休息中

本身同媽媽夜晚去廟街夜市行下，點知就咩都冇食到，反而去左廟街嘅依間越南餐廳，食左個好滿足嘅晚餐。順化香辣河粉好豐富嘅湯麵，有肉碎扎肉牛丸牛𦟌蘿蔔。特別鍾意牛丸，牛丸食落彈牙多汁。每樣嘅份量都好多。我選擇咗河粉，河粉屬於比較幼身嘅，索晒啲湯，每啖食落去都食到香辣嘅湯。附上檸檬辣椒同香葉芽菜，我將全部都加晒落湯入邊，鍾意酸酸哋嘅感覺很開胃。辣度嚟講我覺得很可以接受，唔算好辣。另外附送咗菜心苗，啱晒成日外出食飯嘅人，食多啲菜更健康。湯麵仲可免費加熱菜蜜。三式滋味雞肉撈檬撈檬超級豐富大份嘅撈檬，有好多餸，每樣份量都超級多。而且每一樣餸都做得好好，質素好高。雞髀嫩滑帶少甜味，雞翼炸到好香脆，烤豬肉香茅味濃郁。倒埋撈檬汁落去檬粉到，開胃消暑。非常推薦比三心兩意嘅人食，可以一次過試哂多款餸。加15蚊配紅豆冰，紅豆份量多而且香甜，而且飲落椰味香濃。