Sabor Spanish Touch Private Kitchen

營業中

休息中

放工後同朋友去左一間西班牙私房菜餐廳，係鬧市入面一個寧靜既角落，環境恬靜，牆上掛住油畫，燈光昏暗，非常有情調，好適合慶祝，仲可以包場，每一道菜都係由廚師親自發辦，充滿住驚喜與創意。蕃茄蒜蓉醬多士蕃茄蒜蓉醬香氣撲鼻，配上脆脆既多士，口感清新。魚湯煮蜆魚湯底係呢道菜既靈魂，同蜆肉既鮮美相互融合，每一口都鮮美無比。炒墨魚粒最特别係番茜蒜蓉醬，好似忌廉咁唧出黎，蒜香味慢慢係味蕾散發，結合墨魚的嫩滑，非常獨特既配搭。橄欖油炒蒜片蝦用燒得極熱既鐵鍋端上枱，香氣四溢，蝦非常爽口，夾埋蒜片一齊食極為惹味。蘑菇湯湯面加左一層忌廉泡沫，增加幼滑口感，令整個湯層次更豐富，蘑菇香味濃厚純正。—————柑橘雪葩——————食主菜之前清一清，酸酸甜甜，非常清新。西班牙海鮮飯用左魚湯蝦湯敖製，飯粒飽滿，每一粒都吸收左魚湯蝦湯既精華，口感綿密之餘，飯粒係口中釋放濃郁既海鮮風味，色香味俱全既主菜。Tiramisu foam 配蜜瓜雪糕Tiramisu foam 空氣感十足，帶有淡淡既咖啡香同埋奶香，蜜瓜雪糕讓人感到清爽舒適。焗蛋白焗蛋白上面加左雜果，一淡一濃，味道好夾，係炎夏的最佳飯後甜點。提外話：餐廳免開瓶費，可以帶