鮨燐

營業中

休息中

環境5分：高級日本料理餐廳格局，全部吧檯位，個個望住廚師表演，非常之有日本氣氛，可以畀五分！衛生5分：廚師張枱非常整潔乾淨，砌之前又抹，砌完之後又抹又洗。配料樣樣放入個樽入面。魚生個雪櫃係透明玻璃面嘅木盒，可以見到入面嘅材料，非常新鮮，可以畀佢五分。服務5分：樓面服務員笑容好，講解簡潔，快手快腳，仲不斷加茶，滿分。味道5分：1)     汁煮白梅貝非常之鮮美，唔使用力就可以成條炆出嚟，食落完全冇沙，全部部位都可以食落肚。2)     胡麻豆角落咗Ｄ芝麻醬非常開胃。3)     壽司盛盤上面已經有牛蒡，薑，同蕎頭，食完師傅就幫你添加，全部都好爽。4)     深海池魚好清香。5)      赤貝好鮮色，因為加左青檸汁，好彈好清新。6)      平靜魚好滑溜，好清甜。7)      牡丹蝦非常大隻，好鮮甜，見到師傅好畀心機將蝦腸撩曬出嚟，非常乾淨。8)   鰹魚魚油唔係好多，魚味好濃但係好light。9)      師傅將太刀魚燒左一陣，話係要迫左Ｄ魚油出嚟，個魚面好脆，魚肉好有油香。10)  池魚唔使燒已有油光，Ｄ肉好彈，加左薑蔥食個魚味仲出。11)  北海道銀雪魚壽司呢個配搭真係特別