影片
更多
2023-11-21
34 瀏覽
係轉角位，好容易就會miss左個門口，但只要枱頭一望，就會見到好霸氣嘅”龍亭”招牌！座位唔多，以深綠色為主調，店員好有禮介紹幾款廚師發板套餐選擇，今日就揀左Seasonal Omakase $788(八道菜) 同埋Primer Omakase $588 (五道菜)，兩個set都包沙律、鐵板海鮮2品、 鐵板肉類、炒飯同時日甜品，而Seasonal Omakase就會有前菜、湯同埋鵝肝多士！👉🏻煙三文魚黑醋沙律配龍珠果煙三文魚好大塊，龍珠果酸酸甜甜，好開胃！👉🏻海鮮兩品同友人揀左南非孔雀鮑魚、帶子、東星班魚柳同埋越南大虎蝦！食材好新鮮，尤其中意個虎蝦，大隻，而且配蝦頭蝦膏汁，好濃郁！另外伴碟仲有個蝶豆花海鹽分子料理，泡泡狀，增加海鮮嘅鮮味同鹹味！👉🏻蘭王溫泉蛋有魚子醬同食用花做裝飾，溫泉蛋質地細嫩，蛋黃色澤光亮，蛋漿口感豐厚！👉🏻鵝肝多士大愛！加入左手打檸檬忌廉同秘製菠蘿汁，好似三文治咁切開一齊食，有冰火交融感覺，好夾好岀息！👉🏻鐵板肉類分別揀左澳洲牛柳粒同宮崎黑豚，好中意呢度自家製調嘅汁，例如菠蘿辣菜汁，食落更添層次感！仲有可愛嘅蘑菇造型蘿蔔，解膩一流！👉🏻炒飯八道菜嘅炒飯係海鮮炒飯再加
👉🏻煙三文魚黑醋沙律配龍珠果
煙三文魚好大塊，龍珠果酸酸甜甜，好開胃！
👉🏻海鮮兩品
同友人揀左南非孔雀鮑魚、帶子、東星班魚柳同埋越南大虎蝦！食材好新鮮，尤其中意個虎蝦，大隻，而且配蝦頭蝦膏汁，好濃郁！另外伴碟仲有個蝶豆花海鹽分子料理，泡泡狀，增加海鮮嘅鮮味同鹹味！
👉🏻蘭王溫泉蛋
有魚子醬同食用花做裝飾，溫泉蛋質地細嫩，蛋黃色澤光亮，蛋漿口感豐厚！
👉🏻鵝肝多士
大愛！加入左手打檸檬忌廉同秘製菠蘿汁，好似三文治咁切開一齊食，有冰火交融感覺，好夾好岀息！
👉🏻鐵板肉類
分別揀左澳洲牛柳粒同宮崎黑豚，好中意呢度自家製調嘅汁，例如菠蘿辣菜汁，食落更添層次感！仲有可愛嘅蘑菇造型蘿蔔，解膩一流！
👉🏻炒飯
八道菜嘅炒飯係海鮮炒飯再加上原板海膽，海膽好creamy，炒飯好入味，而且粒粒分明唔油膩！
👉🏻昆布豆腐麵豉湯
鮮甜而不咸，中意個豆腐係呈絲狀，暖喉舒暢！
👉🏻甜品
紫薯雪糕，配有粒粒紅豆爆沙，而柚子雪糕就有柚子皮，好清新！
👉🏻甘濃梅酒 $128
酒釀得甘甜，果香味濃，易入口！
張貼
