百喜茶餐廳

營業中

休息中

唔知點解放工之後好攰，係攰到差唔多企喺度都瞓得到嗰隻，喺呢個時候一定唔會買餸煮飯，就諗住求其去一間茶記外賣炒粉麵返屋企食就算。乾炒牛河，連價錢都忘記咗，係外賣貨返到屋企都預咗冇曬鑊氣，但係打開個飯盒立即香氣撲鼻， 隔咗一段時間仍然有咁樣嘅氣味，河分又炒得上曬色，證明個師傅嘅炒功絕對有番咁上下功力，牛肉軟淋又夠味，油量又唔算多，兼且芽菜又爽口，真係唔係簡單貨色。相信好多酒樓裏面嘅師傅都冇呢一個炒功， 我就知，因為我老豆以前都係大廚，我自己 曾經都係個廚師，呢間茶記個師傅真有料。