影片
港鐵九龍灣站 B 出口, 步行約10分鐘
繼續閱讀
電話號碼
23462002
營業時間
今日營業
11:30 - 22:00
星期一至日
11:30 - 22:00
*6點後只提供外賣服務
以上資料只供參考, 請與餐廳確認詳情
招牌菜
依間以前探朋友曾經食過幾次，最近公司轉返喺九龍灣返工，有個同事建議好想食海南雞飯，咁我哋就由德福廣場嗰邊過去，其實都幾遠🤣🤣今次去到有開門吖，都差唔多八九成full, 因為食晏時間吧⋯⋯今日試佢個招牌海南雞飯，個海南雞飯個飯應該係d雞油淋落去，所以唔係每一粒都有雞油味，但係都好好食😋 佢個海南雞俾雞胸我哋，但係真係好滑好好食😋唔同一般出邊海南雞嘅味道和style, 另外加埋佢個甜酸醬超級好食, 如果經開嗰邊大家都可以一試, 順帶一提佢個蜜糖焦薯牛柳粒都好好味⋯⋯尤其是個薯仔🥔呢啲隱世小店或者叫佢茶餐廳仔真係越整越少，如果你話要好好服務同埋裝修企理就冇佢份，但依啲先係佢哋嘅特色！如果大家有興趣不妨一試👍👍👍
繼續閱讀
係九龍灣返工1年幾多，附近既餐廳都試晒！😊😊😊😊😊😊以茶餐廳尼講，百喜可以講係九龍灣最好食既茶餐廳！👍🏻👍🏻👍🏻👍🏻雖然細細間，位置唔多。但佢既炒飯、蜜椒薯仔雞翼飯、海南雞飯！真係好好食😋😊😋😋😋😋😋😋😋😋現在轉左工作，已經唔係九龍灣返工！但放假經過九龍灣一定會食尼間百喜👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻
繼續閱讀
蜜椒薯仔牛柳粒飯（$80)賣相：🐧🐧味道：🐧🐧客飯以發胞膠外賣盒盛載，一口牛柳粒只有寥寥可數4、5 粒，薯仔則有8、9大塊，飯量標準一碗份量，以$80 價錢感覺不值。味道方面，牛柳粒口感偏韌，難以咬開。黑椒味一般，不算濃烈，不會過鹹或過油。薯仔經香煎過，外皮略脆，內裡有點硬未算軟熟。 薯仔沾上蜜糖、黑椒粒，甜中帶點辣，頗為惹味。白飯軟硬適中，不會過冧變爛。外賣等候時間：🐧🐧🐧在平日晚上8點幾下單，約需時40分鐘送達，與預計時間相約。🐧❤️結語：食物質素中下，經外賣平台點餐價錢昂貴，零回頭慾。
繼續閱讀
2022年1月15日 晴話說呢間男朋友次次做完gym 都會買盒黑椒牛柳粒飯返屋企食, 次次都食呢個飯又唔厭, 令我好好奇佢究竟咩味今次終於叫左男朋友帶左我去試蜜椒薯仔牛柳粒飯 $48一黎到已經好香, 入口好有獲氣個隻香味牛柳粒甜甜地, 仲有d 焦脆估唔到又真係咁好食, 超好送飯, 唔怪得男朋友次次都叫呢個飯食啦因為真係好食呢個飯餐仲配野飲同湯, 正常茶餐廳水平風沙椒鹽鮮魷 $60魷魚炸到好脆, 好香椒鹽味不過我就mama地, 但男朋友就好中意食呢個餸唔係餐, 要飯就要+$10但頭先牛柳粒個飯夠多, 兩人share 都夠, 可以慳返哈哈
繼續閱讀
呢間茶餐廳真係好隱世，係横街窄巷，真係路過都唔會行入去，見到都係地盤工友同埋街坊幫襯多，應該都係抵食足料，$40-$50有個午餐，包湯同飲品，都算幾經濟抵食！🍴例湯 (5/10)一般蘿蔔湯，有幾舊紅蘿蔔，鹹鹹哋，重味精，麻麻😂🍴泰式無骨海南雞飯 $46 (9/10)勁大盒，油飯好多，啲雞仲有成8件，店家真係好大方，真係做街坊生意😱 油飯好香，唔會太油膩，雞件仲有雞翼，雞髀，雞胸好平均分配，啲雞都算滑，雞胸都唔會太乾太難食，呢個價錢真係好高質，份量又足，好良心🤩仲有酸菜，花生，好香口，兩款醬分秘係泰式醬，酸酸哋，同埋薑蓉，鹹鹹哋，好大盒，份量好多，真心食完勁飽🤣☕️熱奶茶 (8/10)香濃茶味，幾滑，少少苦澀，幾好飲！推薦指數: 9/10CP值高，小店用心出品，必食海南雞，真係抵食又好食！
繼續閱讀