影片
港鐵九龍灣站 B 出口, 步行約7分鐘
繼續閱讀
營業時間
今日營業
11:30 - 20:30
星期一至日
11:30 - 20:30
以上資料只供參考, 請與餐廳確認詳情
態度好有問題 唔會再幫襯叫左小窩米線寫明有雪菜韭菜芽菜豬肉肥牛豬肚雲吞 拎左食左兩啖發現無雪菜韭菜芽菜 就拎去問佢 佢就咁黑面話今日無哂就唔理我 無道歉 無一早講明呢3樣係呢個米線包概餸 唔係湯底 （我食過好多次佢其他米線本身個湯底係無呢幾樣既 我都係因為好想食雪菜芽菜先叫）就好似你叫5餸麵 其中兩樣係雪菜同芽菜 佢無哂 唔講 直接收左錢然後話無哂 唔make sense如果你話我知唔好意思今日無哂頭先唔記得講 我ok 但你咁樣真係唔得 好失望 唔會再食
繼續閱讀
潺潺人流中，突然聞到陣陣飯菜香，走進了「木馬工房」，一次過試晒幾款人氣菜式。首先點咗個大勝豬扒麵，豬扒真係又大又厚，肉嘅質感十足，麵條勁彈牙，湯底帶點酸酸地，真係激發出食欲。再點個香煎肉餅，佢隻肉餅外皮煎得脆卜卜，咬落去彈牙得嚟多肉汁，醬汁混咗煎蛋，流心蛋黃一混，撈飯真係一流。而嗰重慶一口雲吞，真係辣得嚟重麻重香，好滿足！最後杯凍蜂蜜百香果茶，清新得嚟消暑，一飲而盡。整體嚟講，呢度嘅食物真係夠曬實在，都會想再黎幾轉，試吓其他嘅好料。🍽️😊👌
繼續閱讀
老公拍板，今次佢揀左呢間大勝豬排清湯腩（九龍灣名物）外賣，個名就好似好勁，食過先知。的確，一打開既感覺係，好大份😂😂😂，老公點左個大勝豬扒煎蛋飯（64蚊），帶兩大塊烤豬扒同一隻煎蛋，有少少鼓油伴飯，如果有埋少少蔥花就更理想，不過唔緊要，勝在豬排真係炸得好鬆軟，而肉質又保持到嫩滑，加上少少鼓油配埋個煎蛋送飯真係一流。我就叫左個香煎雞排米線配酸辣湯（56蚊），雞排切件完都有成8大塊，雞排兩邊煎得金黃，唔會過火，雞扒一d都唔會鞋口，重好嫩滑，唔會有雪藏味，但個湯就比較失色少少，雖然佢有大量既酸菜，但欠缺左辣味，呢樣扣左少少分，但整體黎講好算滿意收貨，可以回頭幫襯既。
繼續閱讀
得寶熟食中心翻新後，周不時都會去試下。有次食左一間餐廳叫「大勝豬扒清湯腩 」，因為佢個餐廳名都用豬扒同清湯腩命名，咁我諗應該幾好食，所以就叫左一客咖哩豬扒煎蛋飯食。等左十分鐘左右，終於有得拎了！咖哩豬扒煎蛋飯 （$52 連凍檸茶)豬扒連骨非常厚肉，睇起黎好似鋸扒咁，豬扒本身有調過味，咬落去都算多汁，配上港式咖哩同煎蛋，令口感更加豐富。咖哩汁的辣度適中，不會太辣，整體而言好大份亦好滿足，下次食應該叫少飯都足夠。凍檸茶正常的好味。最後，留意到得寶呢間熟食中心所有餐廳都係用即棄餐具，如果可以轉用可重用餐具就更好了，為環保出一分力！！！
繼續閱讀
香煎肉餅飯😇$46大勝豬扒煎蛋飯🐽$48好耐冇嚟呢個Food Court😆結果走咗入去行咗個圈😂咁啱經過呢間小店🙂有位食客拎住呢一盤勁大塊嘅肉餅😙即刻引起我嘅注意🤣走埋去問店員，呢碟嘢咩名堂😌順便叫咗一碟去試吓🙃肉餅唔算薄，真係幾足料👍即叫即煎，夠晒新鮮熱辣辣😎味道方面就中規中矩😃但勝在加入好多蔥響入面🥰之後睇到唔少人介紹佢哋嘅豬扒🤣既然響度當然要試埋啦豬扒真係好厚身，亦都好大塊👍食落唔鞋口，而且好Juicy😋相比之下，我鍾意豬扒多過肉餅🤓另外杯熱奶茶都唔錯☕️大勝豬扒清湯腩 (牛頭角)牛頭角牛頭角道3號得寶商場地下木馬工房FC01號舖
繼續閱讀
您可能會有興趣的...