影片
更多
2025-05-22
655 瀏覽
👯今日又同我閨蜜去我哋都鍾意食嘅鐵板燒，基本上好多鐵板燒喺香港都食咗好多間，今次銅鑼灣呢間聽聞好好食，尤其佢啲南非鮑魚，煙煙韌韌，所以慕名而來！🤩每人跟呢個海陸套餐，一邊有基本食材，仲可以加錢升級添，另外舖頭可以有或字畫甜品服務，如果想慶生或者慶祝周年紀念，可以叫佢特別安排，等我講吓有咩食啦！▫️▫️▫️▫️▫️▫️▫️▫️▫️▫️▫️▫️🥗日式薯仔沙律沙律超新鮮，而佢嘅沙律汁調製過特別開胃醒神面頭仲有煙三文魚，連埋沙律菜食即刻食慾大增！鉄板燒 升級👉🏼(+$300可升級龍蝦)🐟美國銀鱈魚美國銀鱈魚煎到剛剛好冇過火，所以條銀鱈魚勁滑溜，亦冇雪櫃味，師傅淨係落咗少少鹽牛油煎香，加埋紫蘇葉簡直清新食到魚嘅鮮甜🦐越南大虎蝦越南大虎蝦真係不得了，除咗佢大隻之外，師傅嘅手工亦都係非常了得，佢完全唔心急，佢將大虎蝦煎到勁香脆，醬汁用大虎蝦嘅蟹膏加牛油再淋上面，蟹肉跟蟹膏一齊食，簡直係絕配到一流🐚南非鮑魚南非孔雀鮑魚雖然周圍都食到，但矜貴嘅食材，都好考師傅嘅工駕，鮑魚煎到剛剛好保持到煙煙韌韌嘅口感亦唔會嚡口，菊花配鮑魚肝一齊食，唔會覺得油膩，而鮑魚配海苔忌廉汁簡直無敵嘅組合，忌廉可以帶出鮑魚嘅鮮甜仲食到海苔嘅味道，正👍🏼🐂
👯今日又同我閨蜜去我哋都鍾意食嘅鐵板燒，基本上好多鐵板燒喺香港都食咗好多間，今次銅鑼灣呢間聽聞好好食，尤其佢啲南非鮑魚，煙煙韌韌，所以慕名而來！
🤩每人跟呢個海陸套餐，一邊有基本食材，仲可以加錢升級添，另外舖頭可以有或字畫甜品服務，如果想慶生或者慶祝周年紀念，可以叫佢特別安排，等我講吓有咩食啦！
▫️▫️▫️▫️▫️▫️▫️▫️▫️▫️▫️▫️
🥗日式薯仔沙律
沙律超新鮮，而佢嘅沙律汁調製過特別開胃醒神面頭仲有煙三文魚，連埋沙律菜食即刻食慾大增！
鉄板燒 升級👉🏼(+$300可升級龍蝦)
🐟美國銀鱈魚
美國銀鱈魚煎到剛剛好冇過火，所以條銀鱈魚勁滑溜，亦冇雪櫃味，師傅淨係落咗少少鹽牛油煎香，加埋紫蘇葉簡直清新食到魚嘅鮮甜
🦐越南大虎蝦
越南大虎蝦真係不得了，除咗佢大隻之外，師傅嘅手工亦都係非常了得，佢完全唔心急，佢將大虎蝦煎到勁香脆，醬汁用大虎蝦嘅蟹膏加牛油再淋上面，蟹肉跟蟹膏一齊食，簡直係絕配到一流
🐚南非鮑魚
南非孔雀鮑魚雖然周圍都食到，但矜貴嘅食材，都好考師傅嘅工駕，鮑魚煎到剛剛好保持到煙煙韌韌嘅口感亦唔會嚡口，菊花配鮑魚肝一齊食，唔會覺得油膩，而鮑魚配海苔忌廉汁簡直無敵嘅組合，忌廉可以帶出鮑魚嘅鮮甜仲食到海苔嘅味道，正👍🏼
🐂牛舌芯
牛舌非常厚，煎得內外適中，保持到牛舌入邊嘅肉汁，出邊亦有煎脆嘅口感
🐃香煎鵝肝配紐西蘭牛柳
呢個一定要試鍾意食鵝肝嘅朋友唔可以唔食，或者唔鍾意鵝肝嘅朋友可以試吓食，鵝肝嘅鵝肝香真係要慢火先可以煎得到出嚟，因為見到師傅啱咗粉放去煎，煎出嚟面頭極度之趣，而入邊鵝肝仲係好多鵝肝油香，食完兩眼發光閃閃🤩再配埋個牛柳，牛柳煎之師傅會問幾成熟，多數都係六成七成，所以真係先到剛剛好，一邊啱啱收血水，所以係非常腍！
🔆升級👉🏼(牛柳+$150可升級和牛薄烧 或 +$300可升級和牛厚)
🥣昆布白蜆湯
好清甜嘅昆布白蜆湯，白蜆非常多，湯亦都飲得出昆布嘅味道，清清喉嚨非常暖胃
🍚薑粒櫻花蝦炒飯
師傅好貼心炒之前會問食唔食薑，所以因個人喜好薑粒多與小可以同師傅講，我見師傅個飯都真係好有耐性，前後兜咗好多次，有牛油蔥花薑粒櫻花蝦胡椒粉鹽，來來回回炒咗好多次，所以個飯超級好食，收晒水超乾身，尾聲食埋呢個炒飯，簡直係完美😍
🍨甜品
甜品有雪糕球，今次揀咗咖啡味，另外仲有芝麻味
44 瀏覽
0 讚好
0 留言
36 瀏覽
0 讚好
0 留言
45 瀏覽
0 讚好
0 留言
32 瀏覽
0 讚好
0 留言
20 瀏覽
0 讚好
0 留言
44 瀏覽
0 讚好
0 留言
43 瀏覽
0 讚好
0 留言
27 瀏覽
0 讚好
0 留言
11 瀏覽
0 讚好
0 留言
張貼
