方叔叔重慶老火鍋 (The L. Place)

營業中

休息中

呢間火鍋店都幾識做生意，我哋打去，佢話冇位，但過咗10分鐘又call返嚟，話有位，好醒目。由於我哋去得夜啦，佢安排咗一個好靚嘅窗口位俾我哋，所以又方便傾偈，又坐得舒服，侍應嘅態度非常之好，成日過嚟斟水，啲餸嘅擺盤又好靚，我覺得個龍躉片啦，同埋嫩牛肉呢，係最好食嘅，但係毛肚呢就太過靭，都咬唔開！講返湯底，佢哋淨係有鴛鴦鍋或者九宮格喎，我哋點咗鴛鴦鍋，一邊辣，另外一邊就係芫荽皮蛋湯，芫荽皮蛋湯幾好飲。