泰中意 (已搬遷) 新店位置

叫咗一份煙三文魚雜菜沙律，味道係ok嘅，不過成碟沙律都係暖暖地，個感覺有啲奇怪，扣哂分。好神奇地，全部店員都黑口黑面。落單似鬧人；上菜求其放低，茶餐廳都識得放喺每位客人嘅面前啦；食食下部冷氣跳咗掣無人知，客人食到出哂汗想掉位，店員好似好不滿咁，結果客人自己逐碟逐杯搬去隔離枱；埋單時原來調枱時店員入錯枱號，店員表現好不耐煩，個感覺好似係客人唔啱咁，找錢時店員大力將一個5蚊銀“拍”落張枱度。大致上個感受係咁多。