十三姨 (通菜街)

營業中

休息中

叫咗個十三么，十三么即係有手撕雞，雞叉燒，糖心蛋，米粉同粉絲。個粉絲拼米粉去搭幾特別，米粉咬落比較軟熟，粉絲就比較煙韌，配埋個清得嚟又幾濃味嘅雞湯底，感覺幾新鮮同埋唔燥熱。糖心蛋做得唔錯，都有流心，雞叉燒唔會太乾，唔會太柴，索咗肉汁都夠味。成煲十三么係原煲上，熱辣辣，所以都嗌咗個柚子蜜，柚子蜜就係正常普通味道。不過每一台檯面都有蝦片，免費送的幾好食，都仲脆，唔會冧。 另外嗌多個小食係蜜糖雞翼，份量夠多有七八個單骨雞翼，甜味夠。