黔知味牛肉米線

營業中

休息中

湯麵簡直就係行幾步就有一間，我自己係好鍾意食米線嘅，以前會食麻辣湯底，近排唔食得辣，所以就揀啲清湯米線！今次嚟到呢一間食牛肉米線嘅店，雖然選擇唔係特別多，但係都好有驚喜咁！佢嘅招牌牛肉米線，米線偏粗，有口感，最鍾意係佢嘅湯底，牛骨煲出嚟嘅，唔可以話超濃郁，但係濃厚度適中，食米線啱啱好！佢嘅牛肉係好薄嘅薄片，幾特別！另外幾鍾意佢嘅冰粉，佢嘅冰粉會有一種玫瑰香，有啲提子！佢個底就唔係好甜嘅糖水，但係配埋提子食同埋啲花生配料，我就覺得啱啱好！