餃掂手工餃子雲吞專門店

呢間餃子店都有好多分店，本身公司附近都有一間，不過每次午飯時間都一定大排長龍，今晚難得嚟到上環附近又見到佢冇人排，於是就入左去食，不過都係要搭枱，睇嚟呢間餃子店都似乎幾好食咁。眼見大部分嘅客人都食湯餃，不過我本人比較喜歡食煎餃，於是就叫左香煎芝心餃10隻再加一碗狀元九鼎湯。芝心餃煎得好香脆但又唔會太油膩，入面有滿滿嘅芝士同粟米，一啖一滿足，佢嘅芝士好好食，值得一讚！！不過湯就比較淡味，而且冇湯料，感覺好一般。