幕多

營業中

休息中

尋晚去食左近排話題性好高嘅蝦湯拉麵，去咗佢新開喺鰂魚涌哪呢間分店，大約等咗四五個字左右就有得食，成間舖淨係賣一款拉麵，另外可以加醬油海鮮，重點係佢嘅麵底可以任加！唔使驚唔夠食🤣值得一提嘅係佢老細好好服務！我哋喺出面等嘅時候又拎水同埋桃酒請我哋飲，然之後我哋叫鮑魚但俾錯蠔我，最後請埋我哋食隻蠔🤣🤣服務態度加分！🍽️蝦湯拉麵應該算係喺香港食過數一數二好食嘅蝦湯拉麵，雖然湯底未算超級濃味，但係食落feel到係有心機整，應該改良過好多次，麵條方面個人認為可以再硬身少少，蝦呢就好好食！應該係用咗花雕去整，係好爽口彈牙～🍽️醬油海鮮我哋就叫咗佢嗰日嘅時令海鮮 - 蟶子，鮑魚同佢送嘅蠔🤣鮑魚略嫌唔夠腍，三樣嘢其實味道因為都係用醬油醃製所以都幾似，蠔嘅肉質係幾好食嘅。但個人嚟講下次未必會再叫。主要都係食佢個蝦湯拉麵。