影片
更多
2025-03-17
114 瀏覽
放工之後去咗雞地搵嘢食，見到呢間餐廳嘅餐牌，感覺都唔錯，所以就試下喇～我叫咗個溫泉蛋牛肩胛壽喜燒烏冬。我本身就已經好鍾意食壽喜燒，而呢個壽喜燒湯底真係唔錯，夠濃又甜甜地～啲牛肉仲有濃濃嘅牛味，食落一啲都唔難咬，質地啱啱好！面頭仲加咗好多炸乾蔥，作為乾蔥控嘅我真係大愛，好香好正😍😍另外，我哋仲叫咗個咖喱吉列豬扒丼飯。不過，呢個比較普通，食落就係好普通嘅炸豬扒飯，豬扒有啲薄，可能因為餐廳主要主打烏冬同埋麵，丼飯感覺冇就太大驚喜。所以下次再嚟嘅話，應該都會揀返烏冬試😋小食方面，我哋叫咗唐揚炸雞同椒鹽雞軟骨。炸雞炸得恰到好處，外皮脆卜卜但又唔會太乾，配埋沙律醬都ok唔錯～～整體係值得推介嘅！至於椒鹽雞軟骨，炸得幾香口同脆，但覺得椒鹽落得有啲多，食落稍嫌偏鹹🙈。Btw餐廳始終都係細舖，坐得有少少逼，唔係坐得好舒服，不過都唔大影響～～總括嚟講，呢餐係滿足嘅一餐，壽喜燒烏冬真係有驚喜，係值得一試嘅招牌菜～～不過丼飯稍稍普通，建議叫返烏冬🤣🤣 對於壽喜燒湯底或者烏冬嘅愛好者，呢間餐廳應該係個唔錯嘅選擇～🍜✨
放工之後去咗雞地搵嘢食，見到呢間餐廳嘅餐牌，感覺都唔錯，所以就試下喇～
我叫咗個溫泉蛋牛肩胛壽喜燒烏冬。我本身就已經好鍾意食壽喜燒，而呢個壽喜燒湯底真係唔錯，夠濃又甜甜地～啲牛肉仲有濃濃嘅牛味，食落一啲都唔難咬，質地啱啱好！面頭仲加咗好多炸乾蔥，作為乾蔥控嘅我真係大愛，好香好正😍😍
另外，我哋仲叫咗個咖喱吉列豬扒丼飯。不過，呢個比較普通，食落就係好普通嘅炸豬扒飯，豬扒有啲薄，可能因為餐廳主要主打烏冬同埋麵，丼飯感覺冇就太大驚喜。所以下次再嚟嘅話，應該都會揀返烏冬試😋
小食方面，我哋叫咗唐揚炸雞同椒鹽雞軟骨。炸雞炸得恰到好處，外皮脆卜卜但又唔會太乾，配埋沙律醬都ok唔錯～～整體係值得推介嘅！至於椒鹽雞軟骨，炸得幾香口同脆，但覺得椒鹽落得有啲多，食落稍嫌偏鹹🙈。
Btw餐廳始終都係細舖，坐得有少少逼，唔係坐得好舒服，不過都唔大影響～～
總括嚟講，呢餐係滿足嘅一餐，壽喜燒烏冬真係有驚喜，係值得一試嘅招牌菜～～不過丼飯稍稍普通，建議叫返烏冬🤣🤣 對於壽喜燒湯底或者烏冬嘅愛好者，呢間餐廳應該係個唔錯嘅選擇～🍜✨
張貼
