Akoya

營業中

休息中

見佢無喊就book星期六晚食。間嘢裝修雖然唔係特靚，但好新。檯櫈都正常size，甚至叫做大。但同隔離檯嘅距離就麻麻。鐘意佢餐牌，因為我有選擇困難症，清晰有基本嘢+少少特別嘢就最好。刺身拼盤(白身魚): 7種魚都好新鮮。有幾款白身魚直情濃味兼好味。反而最濃嘅吞拿魚麻麻。串燒拼盤：同師傅講咗唔食內臟。任佢燒俾我哋。免治雞肉串好好味，完全唔鞋，點蛋勁好味。雞肉串有啲鞋。整體上啲味較得好好，唔會太咸，尤其隻雞翼，真係皮脆肉嫩。之後加咗兩隻雞翼。Carbonara 烏冬：個味又係調較得好好，烏冬扁身好滑，但個汁可以再杰少少。Book 時寫限時2粒鐘。超時冇人等，佢係無趕我哋走嘅。我竟然要講呢樣嘢出黎，講出黎都有啲悲哀。總結：如果冇開支酒，$350 一位。少貴. 但嘢食好味。