Bestow

營業中

休息中

呢間咖啡店第二次嚟，人流冇之前咁多。鍾意去呢度嘅蛋糕多款式，平日嚟坐得幾好，唔會太多人。揀咗抹茶黑糖麻糬卷蛋。呢個蛋糕抹茶味非常之香濃，濃度帶少少苦味，所以要好食得綠茶苦澀味嘅人先好叫。鍾意中間黑糖麻糬煙煙韌韌。另外當中嘅紅豆cream都幾好味。上次試咗咖啡，今次見到有好多唔同嘅茶款都幾特別，我哋每人叫咗一杯。京都 一保堂茶鋪冠茶Kabusecha，呢個茶香味幾濃郁，抹茶味對於我來講都算係幾苦澀。東京 煎茶堂STRAWBERRY TEA，呢個聞落去士多啤梨味幾香，但係飲落去味道就唔覺有。呢度嘅茶可以回沖三次幾，可以慢慢坐。