影片
更多
2023-07-13
33 瀏覽
今晚同女朋友黎嘅呢間西餐廳，真係好有情調啊！環境精緻，氣氛好浪漫，啲服務員都好有禮貌，令人好感動。餐廳性價比好高擺盤好靚好合適同另一半嚟浪漫浪漫💋周年紀念慶祝梗係要食生蠔啦，咁啱今日買一送一，我哋叫咗偏大size嘅蠔。生蠔好新鮮啦，啲肉質好爽脆，真係令人食落去好開心。吞咗落肚個口仲有一浸香味，唔捨得吞口水。法式龍蝦湯好鮮甜，湯底滑嫩，令人一啖就陶醉。一飲就知道係用真龍蝦殼整，龍蝦殼嘅獨有香味唔易用其他嘢模仿到。係我咁多年人飲頭幾位好飲既蝦湯接著嚟嘅係香草鹽燒牛骨髓，平時見扒房有都唔捨得嗌，見今次百零蚊幾抵食就嗌咗。啲骨髓滑嫩入口即化，香草同鹽嘅味道令骨髓嘅油香升華到另一個層次，令人回味無窮。佢哋所配嘅包係偏甜，同埋燒到好香脆嘅加埋焗過嘅蒜頭，配埋一齊食又係另一番風味🤤美國牛肉他他倍鵪鶉蛋就係今晚嘅主角啦，餐廳打燈都打得特別靚！啲牛肉處理得剛剛好，令到啲肉質好嫩滑，完全冇筋。 同鵪鶉蛋混合後Creamy感十足，再加上啱啱整好嘅薄脆，放落口就好似交響樂咁，唔同嘅口感交織完美融合。最後啲慢煮紐西蘭法式羊架都好讚！啲羊肉煮得好嫩，肉質鮮美，令人食落去口感好爽滑。慢煮羊完全提升咗佢肉味嘅層次，配
周年紀念慶祝梗係要食生蠔啦，咁啱今日買一送一，我哋叫咗偏大size嘅蠔。生蠔好新鮮啦，啲肉質好爽脆，真係令人食落去好開心。吞咗落肚個口仲有一浸香味，唔捨得吞口水。
法式龍蝦湯好鮮甜，湯底滑嫩，令人一啖就陶醉。一飲就知道係用真龍蝦殼整，龍蝦殼嘅獨有香味唔易用其他嘢模仿到。係我咁多年人飲頭幾位好飲既蝦湯
接著嚟嘅係香草鹽燒牛骨髓，平時見扒房有都唔捨得嗌，見今次百零蚊幾抵食就嗌咗。
啲骨髓滑嫩入口即化，香草同鹽嘅味道令骨髓嘅油香升華到另一個層次，令人回味無窮。佢哋所配嘅包係偏甜，同埋燒到好香脆嘅加埋焗過嘅蒜頭，配埋一齊食又係另一番風味🤤
美國牛肉他他倍鵪鶉蛋就係今晚嘅主角啦，餐廳打燈都打得特別靚！啲牛肉處理得剛剛好，令到啲肉質好嫩滑，完全冇筋。 同鵪鶉蛋混合後Creamy感十足，再加上啱啱整好嘅薄脆，放落口就好似交響樂咁，唔同嘅口感交織完美融合。
最後啲慢煮紐西蘭法式羊架都好讚！啲羊肉煮得好嫩，肉質鮮美，令人食落去口感好爽滑。慢煮羊完全提升咗佢肉味嘅層次，配埋啲薯仔同啲蔬菜，真係一道好平衡嘅菜式。
總括黎講，呢間西餐廳真係好有情調，啲菜式好精緻，食材都好新鮮。啲味道好濃郁，啲質感好豐富，真係一個好好嘅食物體驗。下次有機會，我一定會再黎啦！
張貼
