沾仔記 (威靈頓街)

營業中

休息中

香港人其實都幾識食，通常排長龍都會係好嘢，沾仔記咁多年都可以成為米芝連推介餐廳，佢個雲吞真係好多蝦，好有鮮味，個麵亦彈牙無鹼水味。之前報紙賣過話雙拼貴d不過份量一樣，所以我同男朋友為咗試晒佢嘅招牌雲吞、牛肉同魚肉，所以分開叫。雲吞皮薄，入面勁多蝦，超鮮甜。牛肉麵，麵質夠彈牙，牛肉係手切鮮牛個種，好淋，一d都唔嚡。魚肉就成個拳頭咁大，好彈牙，不過嫌食到骨，要扣分，同埋太大，食起嚟有d唔方便。湯底都夠味，好鮮味，應該用蝦殼餚，不過之後有d口渴，仲有個辣椒醬我男朋友激讚。雖然無嘢飲，不過食咗咁多嘢，都係$97，中環嚟講都算抵。