沾仔記 (威靈頓街)

已經看到了很多則關於服務的評論。那麼我就不再詳細寫了。因為和大家經歷的事情大同小異。唯一不同的是，這個惡略的員工同我講 - 你食得唔開心可以走。 我問佢- 咁你做得咁大怨气你唔走？ 佢話佢老細鍾意，叫佢繼續工作。好。既然係咁 我走。其他的員工有同我道歉。希望呢個沾仔記嘅老細會頒個最佳員工獎給呢位叫我出街畀車撞死的員工。…查看更多

同frd去中環行街，係frd嘅推介之下去食沾仔記🍜一入去見到有好多米芝蓮嘅推介標誌，已經好期待，食完之後覺得都唔錯，值得再黎。今次點左雙拼牛肉同雲吞麵。牛肉好num，味道算可以，份量都幾多。最驚艷嘅係個雲吞！雲吞size好大粒，入面好多蝦肉，同埋蝦肉鮮甜彈牙，味道一流👍至於麵同湯底都唔錯。個麵有啲硬，不過食落好爽口，同埋冇咩鹼水味。湯底就清淡得黎有小小清甜，同個麵幾match🍜如果覺得太清淡，食個陣都可以加小小醋，令味道多啲變化。…查看更多

因為好耐冇食雲吞麵，所以特登嚟試咗呢間米芝蓮推介嘅雲吞麵🙌🏻，間店唔係好大，佢嘅菜單簡單得幾樣，價錢亦都唔貴，大約40幾蚊左右佢嘅潮州辣椒油亦都好香好惹味，加咗落去可以做到畫蛇點晴嘅效果我差唔多收檔去，都仲係好多人不斷陸續嚟緊😂，上菜嘅速度好快😆我食咗佢嘅招牌雲吞麵，佢嘅雲吞好大粒皮薄，口感彈牙，幾好味，個湯好清甜🥰，但佢嘅鯪魚肉同埋鮮牛肉片就冇咩特別普普通通咁😐Shop B, G/F, 98 Wellington St, Central…查看更多

今晚放工諗住簡單食個麵，見呢間都有啲人流，就入咗去試吓。一望餐牌，得三樣餸揀，於是叫了三寶湯麵。坐低就發覺九成都係遊客，有啲講國語、有啲金髮，都有啲心知不妙……呢啲所謂老字號，不少都得個殼，sell懷舊、本土嘢，實際上不思進取碗麵都算快到，一飲頭啖湯，有一浸羅漢果味，但冇肉湯熬出嚟嘅鮮味之後試啲牛肉片，個質感好怪，好腍，應該用啲粉乸到一啲肉味都冇！之後食鯪魚球，好hea 連個圓形都搓唔好，食落去好無料，淡而無味！最後諗住個雲吞會好啲吧，啲蝦一啲鮮味都冇，亦冇乜豬肉同大地魚粉嘅香味！個麵亦都冇爽口彈牙嘅口感！總括而言，哩間店偷功減料坑遊客，眼見仲有咁多客流幫襯，收$52身為本土香港人，真係睇唔過眼忍唔住上嚟寫劣評，心諗淨係煮幾樣嘢都可以咁差，唉～更加體會到要支持下一些小店，人哋起碼有心做，對得住食客，唔會俾啲咁差嘅食物質素。…查看更多

中午快快食飯揀咗沾仔記，叫咗招牌三寶麵（牛肉、魚蛋、雲吞）。每樣都好大粒，魚蛋彈牙，魚肉味好重、牛肉入味﹐又唔會煮到太老、雲吞餡料多，皮又夠薄。湯底係清湯，不油不膩；麵條爽滑，麵味十足。大約十分鐘內上菜，適合趕時間。埋單$50左右，以中環嚟講超抵，CP值高！喺中環有一 餐唔過 $70-$80 其實都已經好難。地方乾淨，翻枱快，唯一係人多時要搭枱，都明白午飯時段多人要咁都好正常。不過如果唔介意，真係係食得過嚟食個快餐選擇！…查看更多