河內越式料理 (西洋菜南街)

營業中

休息中

網上見過依間越南小店平靚正，今日終於經過，外賣自取拎番屋企做晚餐。一般嘅越南菜都有，估唔到仲有濱海添。而且仲係大眾價，每份份量都好多，難怪咁多人黎依度食野。生牛肉湯河，牛肉肉味重，非常軟腍，湯河配上牛肉湯非常爽滑。雞絲撈檬，非常多嘅雞絲，一啲都唔鞋，撈檬酸酸甜甜，好開胃，夏天食就啱哂。豬肉米紙卷，包得非常扎實又多料，口感十足，豬肉唔韌，好味到幾啖就清哂。濱海伴香茅豬扒，未食過濱海，原來係越南一種面食，將配料鋪喺一餅，再夾其他餡，今次揀咗豬扒夾，幾過癮。跟餐叫咗2杯特飲，椰果椰汁西米露非常多料，椰香味濃。估唔到青檸梳打係俾成罐梳打自己加，好清爽。