咖吔

營業中

休息中

呢次喺一間平民飯堂食下午茶，餐廳座位比較緊密，氣氛樸實。餐牌選擇多元化，東南亞風味為主。叫椰青無貨，有少少失望。唯有叫其他飲品。新加坡喇沙摻摻 $56，呢碗喇沙湯底濃郁香滑，帶有椰奶嘅甘香同微微嘅辣,味道層次豐富。配料方面有魚蛋、豆卜、蝦同米線，口感豐富又飽滿。跟餐加$12有藍莓巨峰梳打，顏色鮮艷吸引，藍莓酸甜、巨峰葡萄帶果香，幾清新。 海南雞飯 $68。海南雞飯配油飯，有雞油香味，配埋幾款傳統嘅醬料（辣椒醬、薑蓉同甜豉油）。雞肉都唔錯。餐飲熱白咖啡加$3，白咖啡味道香濃。另外班蘭咖央多士$40，多士烘得薄脆。