九份飽 (黃埔新邨佳富樓)

營業中

休息中

我好鍾意食台灣菜，不過最近冇機會飛台灣，好彩紅磡有間地道小店，賣嘅台灣野食都好高質！今日收工後來到紅磡黃埔，剛好可以直接入座。呢到裝修好有特色，感覺真係返左台灣一樣！今日叫左幾樣嘢都好好好食！因為佢哋本身都鍾意食紅燒牛筋腩，就一人叫咗一份，一個要米粉，另外嗰個要油麵。首先要講個湯底做得好好，我都飲咗好多，牛筋腩亦都有好好嘅口感。食得台灣嘢就當然要叫懷舊滷肉飯啦！呢度啲飯好好食，又唔會過油，但係保持到有入口即溶嘅感覺。最後見到隔籬枱叫咗蛋餅都好吸引，所以我哋就叫咗薯餅火腿蛋餅，薯餅好酥脆，配埋火腿一齊食，真係超正。