梅光軒

營業中

休息中

黎到太古行完Aeon，我同男朋友都好肚餓了，咁岩行過見到有間米芝蓮推介食店，二話不說一於行去試下~ 由於間鋪開左係aeon超市中間，所以鋪頭既位都係以bar枱為主，坐落有一番「日本拉麵座位feel」呢 不過始終都係香港，沒有拉麵自助點餐機，我地都係要行下收銀處到點餐。望左一陣，我地就叫左2個SETS，一個麻辣麵配鹽味，跟餃子3隻同汽水;另一個是鹽味拉麵跟餃子3隻同汽水;另外仲加多左個牛油粟米，放落拉麵到食就岩哂。鹽味拉麵原本以為會好咸，食落口飲啖湯發現又唔會好重咸味，係淡淡鹽香味嗰種拉麵~ 叉燒方面，正常水準，偏瘦但口感不錯 麻辣麵配鹽味同鹽味拉麵既風格好似，湯底以至成個拉麵都不是食到噴火嗰種辣味，反而是淡淡的辣香慢慢滲出黎，幾特別! 餃子正常以上水準，師傅煎得岩岩好，入口口感不錯，但記得趁熱食，因為喺冷氣商場內餃子會好快變凍~牛油粟米我地將牛油粟米配合拉麵一齊食而唔係獨立就咁食，牛油粟米本身份量好多，我地每人將粟米加落拉麵後都可以填滿拉麵碗的一半，拉麵配粟米，正啊!順帶一提，我和男朋友都同意鋪頭本身提供的冷熱茶仲好飲過汽水，大家叫SET的話，不仿可以將汽水換做蕨餅3個，更加划算兩個人