影片
營業時間
今日營業
10:00 - 21:30
星期一至日
10:00 - 21:30
以上資料只供參考, 請與餐廳確認詳情
炙燒五花肉醬油拉麵時間：晚上，只有3個客人。湯：唔濃，淡，唔夠熱肉：有啲咸，尚可麵：正常蛋: 臭嘅，食到最尾先食，一啖過，酸+臭。跟餐餃子：幾好食。跟餐麥茶（凍）：有啲雪味，唔知係個紙杯定乜麥茶問題。。。。總結：完全唔係個回事，難食，不推薦。
繼續閱讀
今日諗住搵啲實在嘅嘢黎填肚，終於喺梅光軒一飽口福啦！呢度嘅味噌牛油粟米拉麵簡直就係碗中寶，粟米粒粒飽滿，嗰啲甜，迫使你唔自覺嘅夾埋一大口！塊牛油又大又香，化落湯入面，頓時周圍香噴噴，好嗲！叉燒肉嘅部分，腍到講唔出，一啖入口就消失咗，好過癮！轉個彎，試吓味噌海鮮拉麵，香港限定呀！內容物，呀，攞嚟數都數唔晒——大塊帶子、蟹棒、叉燒，每樣都新鮮味美到令人欲罷不能，尤其係嗰半隻蛋，溫泉蛋嘅軟綿簡直講唔出嚟啲滋味🤤！嗰粒拉麵得意得嚟，得我心水嘅彈牙口感。話說，份量多到食唔晒有罪惡感呢！傾倒撈埋嘅芝士餃子雞翼，聽落平凡，吃落卻老香！芝士嘅濃郁，撞擊埋雞翼嘅香脆，相交疊出一幕幕美味場景，好到令人恨唔得多幾個胃！最後，清甜嘅抹茶蕨餅出場，軟糯中帶點抹茶嘅微苦，令人回味無窮。真係一場美味嘅圍攻，食得我心滿意足，口袋仲唔洗太流血，梅光軒，我仲會再嚟㗎！👍🍜🥢
繼續閱讀
今日行太古AEON咁啱到食晚飯時間，所以諗住係度揀間餐廳解決個晚餐。經過呢間餐廳，聞到好香既拉麵味，於是就坐低左。我同朋友點左2個套餐，佢啲套餐真係幾抵。拉麵有得配一款小食同飲品/甜品，但今日已經冇晒甜品了。我既炙燒五花叉燒拉麵係冇散叫既，另外配左小食餃子。餃子有3隻，係即煎既，味道中規中矩。炙燒五花叉燒燒得好香，而且肉質軟淋。個拉麵彈牙，仲放左啲炸蒜係枱面，鍾意既隨便落。朋友既麻辣麵其實唔係好麻辣，裡面既肉切到一粒粒，有啲韌。重點係個小食炸雞超大塊，而且炸得好好食！店員話佢地聽日就結業啦，會係第二度開分店，到時再去拜訪啦。
繼續閱讀
之前睇過梅光軒既報導，介紹係北海道旭川風味拉麵的代表，仲一直獲得北海道米芝蓮推介銅鑼灣個間大排長龍，一直未有機會嘗試今日去康怡睇戲，經過food court見到開左分店就一於要試下位置不多，得1x個位，等左10分鐘就有位了餐廳係open kitchen形式，幾有日本的風味每2個位都會有調味料架，種類多元化餐牌十分簡單，主要都係一個拉麵+小食+汽水 $85-$88不過佢呢到就唔同其他有名店舖咁樣有得揀麵種類, 湯底濃淡之類本人比較中意食辣，見到有麻辣拉麵當然要試下味噌湯底幾濃郁，麻辣麵中間會堆辣的肉醬，拌勻後會辣辣地，但就冇乜麻味旭川味噌其一特色，會有種獨特的甜味，所以唔會好辣旭川另一特色---湯底會覆蓋一層少少的油，十分香，不過唔中意油膩既可能就唔合胃口麵條係捲曲細麵，十分彈牙，而且掛湯力強，吸住濃郁的味噌辣湯底👍而角切叉燒，肉味濃郁，但就唔係好熱的，似係一早煮好之後放上去😢仲會有木耳，大量蔥花，溏心蛋作配菜，溏心蛋呈微微溏心😍灸燒五花腩叉燒拉麵，呢個湯底相對更濃郁同醇香，一樣揀左味噌湯，帶少少甜味個叉燒雖然得一舊，但比較厚同大舊所以都足夠叉燒比較肥美，經過灸燒後d肥油逼左出黎，好甘香，又唔會太油膩👍仲有其他配菜: 大量蔥花, 溏心蛋, 荀....小食---炸雞球3件本來係想試芝士餃子雞翼點知冇貨，唯有試下炸雞球雞球炸得好脆身，味道都足夠，不過肉質就唔係好嫩口，點埋日式麻醬減少油膩感小食--煎餃子3件餃子上枱個陣已經係暖身，似係煎定的個皮較厚身，餡料有肉有菜但就比較少，同埋較油膩麻辣拉麵餐$85，灸燒五花腩叉燒拉麵餐$88有埋小食同飲品所以都已經夠飽了平時出邊一個拉麵已經成90蚊，所以呢到幾抵食👍總括黎講: 位置雖然少但坐得都寬敞，拉麵質素唔差，個人上幾中意個湯底(唔覺有好多味精)，而且員工服務都幾nice☺
繼續閱讀
Aeon太古城地下超級市場 鐵板燒 芽菜炒完出嚟變咗灰色，芽菜，雞蛋，蠔都是一樣味道。整體嚟講69蚊，唔需要加一，食到鐵板燒，其實我覺得超值。不過，我食完之後就覺得好油，衣服都一身氣味。呢度係排隊攞位，坐高椅，普通兩個人ok，如果太多人食就好難傾計。
繼續閱讀