岩盤牛扒 ミディアムレア ステーキ (將軍澳中心)

營業中

休息中

播住日本歌，門口好光猛就俾佢吸引咗入去，今日就試咗依間將軍澳，岩盤牛扒。入到去首先選擇想要乜嘢牛，西冷，肉眼，牛柳，封門柳。佢哋擺晒喺透明雪櫃睇落睇落機新鮮，揀完牛柳就再揀要唔要跟set，跟set 只需$28就可選擇三款，有麵豉湯，白飯，沙律，溫泉蛋，雪糕及飲品。今日我就揀咗牛柳及西冷。等咗一陣就有得食，兩塊牛扒都係擺喺熱辣辣嘅岩盤上，一切開兩塊牛係有少少生，鍾意生嘅朋友就即刻可以食，如果鍾意食熟啲嘅朋友就可以切開一塊塊擺喺塊鐵板上面再煎多一陣，好快就變全熟。配埋佢哋個醬汁酸酸地好好味，我朋友就最鍾意佢個香芋雪糕夠晒芋頭味。