我愛慢煮 (普慶坊) (已結業)

估唔到中上環都會有間平民價錢既西餐廳，普慶坊依邊算係比較清靜冇咩人。餐廳入面燈光比較昏暗，岩哂情侶黎拍拖傾計。我地今日叫左三樣野，好可惜佢個慢煮牛排賣哂，所以試唔到，我地叫左海鮮芝士忌廉菠菜苗/忌廉雜菌黑松露意大利雲吞/西班牙栗飼黑毛豬梅扒。西班牙栗飼黑毛豬梅扒，賣相平平，但食落都幾淋，都幾有豬味，配埋佢隔離有個柚子醬，感覺好清新開胃。忌廉雜菌黑松露意大利雲吞，食落個汁有D水，不過都重忌廉味同蘑菇味，有D廉價味道但又忍唔住食哂海鮮芝士忌廉菠菜苗，好多忌廉汁，睇落好似好重味，但食落又冇咩味，要配埋上面D芝士先叫岩岩好。