龍亭

之前朋友話佐敦有間omakase唔錯，晚市最平$588已經食到，見咁抵食就去啦，預早book左位！呢間omakase地點好方便，不過我傻豬豬搞左好耐先搵到個門口，佢係轉角位，好似一個密室咁，睇唔到餐廳入面情況，門口有個鐘仔，禁左就有人開門俾你！我地叫左588既omakase，入面海鮮同肉可以俾我地自己選擇既，我地叫左鮑魚同鱔、宮崎豬。另外再散叫左東星斑、牛舌、牛柳粒、羊扒。本身想叫熊本A5和牛，但當日冇><係吧枱就可以睇住師傅整，基本上所有擺盤都好精緻，食材都新鮮，而且燒得好好，全部野食最驚艷我既一定係鱔，一黎佢勁大舊，二黎佢好爽口，三黎師傅連塊皮都燒到好脆口，真係每一口都是享受！牛柳粒都係有驚喜，真係粒粒都做到五成，好食。連個炒飯都好味，仲加左佢地秘製既蒜蓉醬添，當然唔少得叫返杯酒啦，個set仲有沙律同甜品！