金記鍋雞

營業中

休息中

深水埗一向出名平民美食，今晚就意外發掘到一間用平民價錢就可以嘆到花膠雞鍋的餐廳！這一間餐廳就是位於汝州街的「金記鍋雞」。鍋內分別有花膠、雞件和娃娃菜，上枱時會有一個小火爐一直熱著雞鍋，保持食物溫度。先嚐一口湯頭，雞湯味道鹹香濃郁，據知湯底每日用了6小時來熬煮，好有心機。雞件滑嫩，肉質帶彈牙感；花膠則口感爽滑。配上米線（麵底自行選擇），一鍋豐富又飽肚。以$68的價錢來說，性價比很高！另一款雞鍋就有雞件、椰子、竹笙和娃娃菜。因為有椰子的關係，湯底入口鮮甜，帶有淡淡椰香。和前一款相比，筆者就喜歡這一個湯底多一點。竹笙爽脆口感，而且非常索湯！這個麵底就選了米粉，邊吃邊喝湯，很滿足！炸雲吞有6隻，size都頗為大粒。外表經酥炸至非常脆身，入口脆卜卜。內餡包了豬肉和蝦肉，味道很香，其中蝦肉更帶彈牙口感。蘸上酸辣醬汁，更加惹味。