淥鼎記

營業中

休息中

好耐無飲茶啦觀塘這間餐廳的點心都好有特色！價錢唔太貴~剛好二人份量有時候跟朋友兩個人都可以叫多少少~~可試到唔同款式🍽 紙醉金迷鮮蝦餃皇一籠兩件岩晒2個人食，可以試多啲唔同既點心。蝦餃上有食用金箔，令賣相更加吸引。除此之外，內餡都好充足，大大舊爽口蝦肉，非常滿足。🍽 芝士蝦長春卷春卷炸得非常脆口，加上入面有蝦肉，做到外脆內軟既口感。雖然可以點沙律醬食，但就咁食都已經好好味。🍽 酥皮鳳梨叉燒包熱辣辣非常軟熟，叉燒餡唔會好咸，配上面頭既酥皮唔會好甜，味道剛剛好。🍽 古法黑蔗糖年糕外皮煎得夠脆，食落有蔗糖味，但又唔會好甜。🍽 松露叉燒腸粉本身特別鍾意松露既香味，但松露腸粉真係第一次試。雖然上菜時跟有豉油，但就算唔點豉油都夠味，重點係唔想搶咗松露既味。腸粉充滿松露味，叉燒又唔會好咸，味道不錯。🍽 赤龍芝心松露卷真係估唔到食點心既餐廳會有壽司食，就點黎試下啦。蝦壽司卷上有松露醬同洋蔥絲，而入面卷有芝士，口感同味道非常豐富，有松露香味加上芝士味，原本已切成一口大小，令人食完一件又一件。🍽 黑魚子燒賣雖然一籠得兩件，但份量都好大件。滿滿既蝦肉，咬落仲有油香味滲出黎，但又唔會好油膩。