影片
更多
2021-04-25
150 瀏覽
2021年4月19日 星期一今日晏晝放飯嘅時候專登去到西灣河睇吓有咩好食咁啱見到呢間餐廳門口好似大排長龍，睇落似係新開張，於是唔執輸走過去睇吓見到主要都係食上海小食，價錢仲要好平民化添，四隻生煎包都係$12，於是決定叫多少少返公司同同事分享返到去首先打開雲吞擔擔麵，發覺仲係暖嘅，而且麵條吸收晒湯汁，所以整到好似撈麵咁，食落去味道都唔錯，幾香花生味，麵條都夠彈牙，另外雲吞好大粒，塞滿左餡料，真正做到皮薄餡靚之後仲有菜肉雲吞，每一粒都好飽滿，咬落去豬肉同菜嘅比例差唔多，調味啱啱好，唔會太過鹹，至於湯底都幾鮮甜最後仲有我最期待嘅生煎包，雖然價錢好平，不過味道真係冇得彈，冇諗過性價比咁高，咬落去外皮好薄，裏面嘅肉汁已經即刻流晒出嚟，煎得好香，而且每一粒大小都差不多，完全睇得出師傅嘅功夫，強烈推介！！叫咗咁多嘢食都唔使$100，簡直係平民恩典，一定會再去幫襯！！
今日晏晝放飯嘅時候專登去到西灣河睇吓有咩好食
咁啱見到呢間餐廳門口好似大排長龍，睇落似係新開張，於是唔執輸走過去睇吓
見到主要都係食上海小食，價錢仲要好平民化添，四隻生煎包都係$12，於是決定叫多少少返公司同同事分享
返到去首先打開雲吞擔擔麵，發覺仲係暖嘅，而且麵條吸收晒湯汁，所以整到好似撈麵咁，食落去味道都唔錯，幾香花生味，麵條都夠彈牙，另外雲吞好大粒，塞滿左餡料，真正做到皮薄餡靚
之後仲有菜肉雲吞，每一粒都好飽滿，咬落去豬肉同菜嘅比例差唔多，調味啱啱好，唔會太過鹹，至於湯底都幾鮮甜
最後仲有我最期待嘅生煎包，雖然價錢好平，不過味道真係冇得彈，冇諗過性價比咁高，咬落去外皮好薄，裏面嘅肉汁已經即刻流晒出嚟，煎得好香，而且每一粒大小都差不多，完全睇得出師傅嘅功夫，強烈推介！！
叫咗咁多嘢食都唔使$100，簡直係平民恩典，一定會再去幫襯！！
張貼
