明將迴轉壽司餐廳 (已結業)

約左人到明將小聚，其實咁嘅價錢都唔expect有啲咩出色食物或者服務了，之前黎過幾次覺得ok，無電視講得咁差啫。五十二蚊任食無限時，你仲想點先？坐落，自己沖茶，一個無味嘅綠茶包。非繁忙時段，坐得幾闊落。Washabi出水少左。一人食左十幾碟，而且我地好有衣食，無食淨啲飯架。坐隔離的三婆孫只挑哂啲‘餸’黎食，飯就跌到一枱係……食左呢啲，魚生類嘅普遍偏乾，友人説係魚乾壽司唔系魚生囉。炸物類好硬同乾，不過我覺得ok，無油漬味。賣飛佛沙律類，多沙律醬得黎又唔酸，好味。食左幾碟哈哈。啲壽司真係好有創意，炸帶子多春魚呢啲成舊黏落舊飯到又變成壽司了，雜果沙律，蛋沙律又可以加飯食，最新奇係紅豆做壽司囉，哈哈哈，比日本師傅見到應該會吐血了。臨走前見到師傅用剛煮好嘅飯擺落部機到整飯團，仲有啱啱出炸爐嘅多春魚同魷魚酥，於是又返食多一碟，好一碟熱壽司呀！無＄又想食日本野，又食得飽肚，我都推介各位黎呢度，唔好諗住有好野食，不過食左咁多次都無肚屙，ok啦。