忠記粥品 (機利文新街)

營業中

休息中

上環忠記粥品係上環區其中一間老字號嘅食店，每朝早同中午時間，總係好多人排隊堂食同外賣。自從office今年初搬咗嚟上環後，每日番工路線總會經過忠記，所以不定期都會幫襯吓。食過幾次呢喥嘅粥品，覺得好綿好足料，唔錯。 今日唔食粥，改試蛋黃咸肉粽，但味道略嫌遜色。 咸粽可選擇要唔要粽葉，為咗方便進食，我選擇「走葉」。由於之前喺喥買過炸両，由伙計幫我落豉油，但實在太重手，所以今次我講明自己落。 蛋黃咸肉粽照計有蛋黃同咸肉兩種餡料，但咸肉嘅踪影就無，變相只有一舊肥豬膏。雖然粽係要搭配少少肥膏先甘香，但太多就會出現油膩嘅感覺。基本上呢個粽除咗有些少蛋黃嘅香味外，就無咩特別嘅味道啦！