大師傅粥品 (京瑞廣場1期)

營業中

休息中

呢排周不時都會食粥，而呢間係屋企附近嘅粥店就時常都會去食下！餐廳就係港鐵石門站隔離，座位雖然唔係好多，但都有卡位可以坐得舒服！餐牌上有多款粥品、腸粉、油器可以選擇！而粥類亦有分即熟粥同埋生滾粥！手打肉丸碎牛粥，粥底軟綿，帶有肉嘅鮮味！佢地嘅肉丸特別好食，唔係現成肉丸，所以味道夠鮮，口感亦十足！碎牛份量都好多，而且味道咸咸地，食落唔會太寡！炸兩，佢地嘅炸兩有分大同細size，細size有兩條，油炸鬼口感脆卜卜，腸粉嫩滑，加埋甜醬同麻醬，夠哂美味！牛脷酥，淡淡地食完個粥就會想食啲甜野，牛脷酥鬆脆，味道甜甜地，唔錯！