大師傅粥品 (京瑞廣場1期)

2025年8月21日 星期四今晚個肚仲脹脹地，想食得清淡少少，所以就係石門既呢間餐廳食下粥餐牌除咗粥品之外，仲有提供小食同麵，而且粥品都分開咗，即熟粥同生滾粥，款式頗多，價錢都好平民，我哋就每人叫左一碗粥，另外再加豆漿同炸兩一黎到既係生菜粟米瘦肉粥，粥底煮到綿密滑溜，入口即化，粟米粒粒香甜，帶出天然鮮味，而瘦肉就切得薄身，冇筋唔鞋口，吸晒粥香至於生菜爽脆，加添左清新感，整體味道溫和舒服另一個粥就係窩蛋碎牛粥，係港式粥品入面嘅人氣之選，簡單但滋味十足。呢碗粥用生滾粥底，米粒煮到化開，呈奶白色，入口滑溜，碎牛肉經過醃製，肉香撲鼻，完全唔會有腥味而最吸睛嘅係中間嗰隻窩蛋，蛋黃半熟，輕輕攪拌後令整碗粥變得更加香濃順口呢個係餐廳人氣炸兩腸粉，炸兩入口即化，腸粉皮滑得似絲綢，油炸鬼酥脆鬆化，咬落去有種輕微爆裂感而甜豉油滲透每層，鹹甜交錯，令整體味道更有層次，每啖都帶點煙韌與香脆交織，食落去唔會膩，反而愈食愈開胃最後仲有豆漿，入口順滑，豆香濃郁但唔會過火，帶有天然甘甜，飲落去清爽又唔膩冰凍版本就特別醒神，啱晒配粥或者炸物，有種溫柔中和嘅效果埋單一百蚊都唔洗，真係好抵！！…查看更多

自從年初某大粥品連鎖店結業之後，以為已經很少粥品連鎖店，想不到朋友介紹之下，來到了這裏。這裏的裝修格局有點像茶餐廳，地方簡潔，鄰近地鐵站，交通非常方便。鮮鯇魚腩粥$45，蠔豉$10，粥底熱騰騰，米香十足，口感軟綿綿，魚腩份量十足，都算新鮮，加點豉油和胡椒粉，味道更佳。北菇滑雞粥$38，蠔豉$10，粥底內有兩顆北菇，滑雞生熟程度的適中，不算太有雞味，蠔豉甘香可口，值得追加。叉燒腸$20，叉燒肉碎份量十足，腸粉軟滑可口，如果豉油再鹹一點更好。九皇鮮蝦腸$25，鮮蝦爽口彈牙，配上份量十足的韭黃，能夠提升鮮味之餘，增加層次感。…查看更多

我相個由落單到食完，無一個組合嘅堂食早餐有我呢個快，有得食又有得飲，如果有組合快得過呢個嘅，歡迎分享。炒麵我喜歡甜醬、辣椒醬加芝麻呢個組合。呢間連鎖店嘅炒麵，我起另一區食過，兩間啲麵同樣偏硬，而且唔香，但不同嘅係嗰間有鹼水味，呢間無。起食嘅期間見到餐牌上有豬膶公仔麵，但要$41，而且無話包飲品，相比其他食店，例如譚仔及雲桂香，呢個價錢算貴，究竟咩原因導致佢賣呢個價錢呢？要下次去食先至知。另外，餐牌上亦有兩款特色小食：XO醬燒賣及XO醬粉睇，味道如何？亦只能寄望下次試一下了。…查看更多

大師傅粥品位於石門京瑞廣場一期地下，專注於港式粥品，裝潢以茶餐廳風格為主，乾淨舒適。我晚飯過來，看見街坊很喜歡過來吃飯，而且與店裏的人員很熟！氣氛很好！🔶黃砂豬膶粥 這道粥品濃郁滑順，豬膶鮮嫩，搭配香滑的米粥，yummy ！🍚😋🔶牛利酥 外皮酥脆，內餡豐富🤤🔶豆漿 豆香四溢，口感柔滑，清新又健康，是粥品的最佳搭檔！🥛✨總體來說，大師傅粥品的港式粥品與小吃都十分美味，而且服務態度不錯，充滿人情味，絕對是街坊用餐之選！！！…查看更多

首先，我買咗兩碗粥(一碗豬潤粥加粉腸豬潤粥)加一份XO醬炒腸粉，總共消費116。炒腸粉不過不失啦，XO醬炒腸粉都炒得差嘅話，就真係唔識評論啦。 其次，豬潤加粉腸係需要加8蚊嘅。8蚊有兩舊粉腸，真係好多謝，原來依家係咁嘅價錢，我可能真係唔知道通脹得咁快。新鮮程度就一般啦，冇發臭都算係咁。打電話過去，樓面聽電話，而樓面姐姐對佢哋啲出品一無所知。跟住樓面姐姐話下次俾翻舊粉腸我，我話唔洗啦，都唔想再幫襯。再者，豬潤嘅質素真係好可笑。我都知冇可能拎石門大師傅粥品嘅豬潤品質同其他豬潤舖頭(例如漢發)相比，但都起碼要新鮮啊正常啊。我真係咁大個人先食到發黑發硬嘅豬潤，真心嬲。跟住再打電話俾大師傅粥品，樓面每次都需要同廚房粥品師傅confirm佢哋啲出品嘅，對於我話啲豬潤發黑，佢哋冇反駁，只係話叫我地拎翻舖頭俾佢換，做過食肆嘅都知投訴係會得到加料嘅機會。其實之前買過好幾次都冇問題，足料同埋啲粥好綿滑，可能因為夏天冇乜人食粥，啲嘢去得慢，但呢個唔係一個理由要俾垃圾豬潤啲客人食。我之後都唔會再幫襯呢間嘢㗎啦。我今次同佢清咗少少發黑發硬嘅豬潤，聽日其他人應該減少咗機食到呢啲垃圾豬潤，除非大師傅仲有垃圾豬潤散唔到貨。希望大家此生都唔會食到發黑發硬嘅豬潤。#有啲食肆做唔住真係唔關香港人北上事。…查看更多