影片
營業時間
今日營業
06:30 - 23:00
星期一至日
06:30 - 23:00
以上資料只供參考, 請與餐廳確認詳情
呢排周不時都會食粥，而呢間係屋企附近嘅粥店就時常都會去食下！餐廳就係港鐵石門站隔離，座位雖然唔係好多，但都有卡位可以坐得舒服！餐牌上有多款粥品、腸粉、油器可以選擇！而粥類亦有分即熟粥同埋生滾粥！手打肉丸碎牛粥，粥底軟綿，帶有肉嘅鮮味！佢地嘅肉丸特別好食，唔係現成肉丸，所以味道夠鮮，口感亦十足！碎牛份量都好多，而且味道咸咸地，食落唔會太寡！炸兩，佢地嘅炸兩有分大同細size，細size有兩條，油炸鬼口感脆卜卜，腸粉嫩滑，加埋甜醬同麻醬，夠哂美味！牛脷酥，淡淡地食完個粥就會想食啲甜野，牛脷酥鬆脆，味道甜甜地，唔錯！
繼續閱讀
石門地鐵站一出❤️平靚正街坊粥，百多元消費猶如粥品放題般享受。點解可以咁平？😭艇仔粥同皮蛋瘦肉粥只係廿零蚊，簡直就係石門街坊嘅恩物。小店不大，但擠滿了老街坊。天氣尚未回暖，食一碗溫熱的粥，真是平民補品。美味粥艇仔粥有魷魚🦑、豬皮、鮮魚片🐟、花生和蔥花。皮蛋瘦肉粥顧名思義。兩款粥底綿密，夠滑！肉料也足。連鎖粥店賣幾十蚊一碗，大師傅只係廿零蚊，更有火喉，不吃實在對不起。同場仲有大碟彈牙鼓油王炒麵、脆卜卜油炸鬼、甜煎堆、平價即製鮮雞蛋腸粉和蛋黃鹹肉粽😍不要怪貓太太點得瘋狂，實在太平價，必須要豪食，試下味嘛！
繼續閱讀
今晚在「大師傅粥店」以粥麵代飯，鮮牛肉公仔湯麵、豬肚拼豬潤生滾粥、 炸兩和凍豆漿，啱口味又飽肚。豬肚拼豬潤生滾粥~豬肚口感爽脆，亦富含多種營養，同時豬肚卡路里及脂肪含量比一般瘦肉低，豬潤口感粉嫩香脆，粥底綿密。鮮牛肉公仔湯麵~加入湯麵，令顧客多些選擇是非常好，嫩滑牛肉和爽彈公仔麵，是四季皆宜的家庭式方便湯麵。 炸兩~自添豉油、芝麻和麻醬增味後， 炸兩立刻亮麗轉身，味道與賣相更添層次。凍豆漿~很有豆香，不錯！
繼續閱讀
平日出街食飯太油膩間中都要食清啖啲均衡一下大師傅主打粥品遍佈多區都有分店石門站呢間分店一出港鐵站就見到位置超級方便除咗粥品之外，原來都有麵✨狀元及第粥 粥底綿密．有臟有丸嘅狀元粥勁多料粉腸、豬潤、豬腰、豬肚、肉丸✨鮑片滑牛麵 加入鮑片同滑牛湯底唔會太油膩✨韭黃鮮蝦腸粉 腸粉幾滑．包著原隻鮮蝦大隻又爽彈✨鹹肉糭唔洗等端午節都可以食糭黏黏糯糯嘅口感裡面餡料充足．配豉油/砂糖都好正支裝凍豆漿都好正豆味香濃又唔會太甜
繼續閱讀
天氣冷冷，加上胃口最近一般般，想食粥清一清腸胃，粥店位置石門京瑞廣場地鋪，一出地鐵站就見到，平民價錢，糧尾恩物。鮮鯇魚腩粥鯇魚腩鮮味十足，肉質鮮嫩，魚油脂香口惹味，原塊魚腩大大塊，食落十分滿足，生滾粥口感綿密，充分與魚汁混合相當滋味。狀元及第粥招牌既生滾粥，粥表面放了適量既葱、芫茜及薑絲增加香味。粥入面有多款配料，有豬肉丸、豬心、豬粉腸、豬肚及豬膶。內臟都處理得乾淨，完全沒有腥味，豬心口感煙韌，豬粉腸脂肪油脂香口，而豬膶格外好食，有咬口之餘質感不會太粉。蔥花炸兩腸炸兩酥脆香口，蔥花增加香氣和口感，配搭粥食用一流。九皇鮮蝦腸食腸粉一向都多芝麻醬同埋甜醬，仲有啲芝麻，舖頭有自助調料座可自由添加。腸粉軟身得黎帶少少咬口，腸粉內的蝦隻都好大隻，爽口彈牙。炒麵以價錢黎講份量很有誠意，性價比極高，鼓油調味剛剛好，咸香味濃厚。豆漿樽裝豆漿，少有可以要求過火熱一熱。
繼續閱讀