影片
更多
2017-10-27
3801 瀏覽
台灣菜真係食極都唔厭, 最想就係飛去台灣日日食, 可惜我只係個一般既打工仔, 今次就去到旺角食間好多朋友都食過既台灣野。 次次黎黑布街煙廠街果頭都係為左食甜品, 今次入老街食正餐~~ 一入店內己經feel到幾有懷舊氣息, 尤其是牆身好多掛畫同仿磚牆既設計, 好有青春電影既感覺, 連餐牌設計都係咁懷舊。 台式牛肉麵 轉新竹米粉見隔離叔叔叫左碗勁大碗, 我又跟住叫, 但我中意米粉, 所以加三蚊轉左。牛肉條三大條, 粗身又長, 一咬就鬆開既肉質就知係有水準既牛, 炆得入味, 白蘿蔔同紅蘿蔔好大舊但清甜無比, 吸哂湯既味道, 轉新竹米粉係個正確決定, 因為同樣會吸收左湯既濃味, 幼細且具彈性正正是新竹米粉比普通米粉最吸引既地方~ 肉燥飯(小)既然試左牛肉麵, 就當然要試埋代表性最高既肉燥飯, 原來少都已經幾大碗, 細食女仔食可能加個小食都飽, 有肉碎同埋肥瘦相間既粒條, 肥肉比較上多, 但食落又唔覺好油膩, 我份人怕油膩野都接受到, 汁有味但可以再濃啲, 而且多啲用黎撈飯就好, 因為碗飯真係幾多。 小吃比主吃更加驚喜, 我地叫左五味小茄子、魚酥皮蛋豆腐同肉燥青菜。 五味小茄子 $28雖然唔知五
次次黎黑布街煙廠街果頭都係為左食甜品, 今次入老街食正餐~~ 一入店內己經feel到幾有懷舊氣息, 尤其是牆身好多掛畫同仿磚牆既設計, 好有青春電影既感覺, 連餐牌設計都係咁懷舊。
台式牛肉麵 轉新竹米粉
見隔離叔叔叫左碗勁大碗, 我又跟住叫, 但我中意米粉, 所以加三蚊轉左。
牛肉條三大條, 粗身又長, 一咬就鬆開既肉質就知係有水準既牛, 炆得入味, 白蘿蔔同紅蘿蔔好大舊但清甜無比, 吸哂湯既味道,
轉新竹米粉係個正確決定, 因為同樣會吸收左湯既濃味, 幼細且具彈性正正是新竹米粉比普通米粉最吸引既地方~
肉燥飯(小)
既然試左牛肉麵, 就當然要試埋代表性最高既肉燥飯, 原來少都已經幾大碗, 細食女仔食可能加個小食都飽, 有肉碎同埋肥瘦相間既粒條, 肥肉比較上多, 但食落又唔覺好油膩, 我份人怕油膩野都接受到, 汁有味但可以再濃啲, 而且多啲用黎撈飯就好, 因為碗飯真係幾多。
小吃比主吃更加驚喜, 我地叫左五味小茄子、魚酥皮蛋豆腐同肉燥青菜。
五味小茄子 $28
雖然唔知五味係邊五隻味, 但anyway係推介呢個小食, 因為茄子首先處理得好, 一啲草青味都無又KEEP到爽鮮感, 重點係佢個醬, 甜甜地同茄子出奇地夾, 味道同蚵仔煎個醬相近, 而且每件茄子都撈到, 配埋面既木魚碎, 令人食指大動~~~
魚酥皮蛋豆腐 $29
去餐台灣餐廳我都叫咁濟, 一黎包無伏XD 二黎個唔知點解皮蛋同豆腐就係會咁夾, 呢到既豆腐比起平時食既更令滑溜, 好似食緊布甸咁呀!!! 皮蛋都有成隻份量, 配埋面既大量木魚碎, $29真係無理由唔叫。
肉燥青菜 $28
食咁多野當然叫埋個菜中和下, 呢個就OK la,加左肉燥但又唔會好油喎, 肉碎係瘦既所以岩我, 唔會整油哂D菜, 生菜份量足夠。
胚芽奶茶加珍珠 $15
珍珠奶茶唔夠滿足到我, 所以就叫埋胚芽, 胚芽灑面幾香口, 珍珠唔似平身食, 偏細粒。
張貼
